Ámirjan Qosanov shtaby Semeıde kezekti semınaryn ótkizdi

SEMEI. QazAqparat - Shyǵys Qazaqstan oblysynda saılaý baqylaýshylaryna arnalǵan kezekti semınar-trenıng ótti, dep habarlaıdy QazAqparat kandıdat Ámirjan Qosanovtyń shtabyna silteme jasap.

Semeı qalasynda Qazaqstan Respýblıkasy Prezıdenttigine úmitker Ámirjan Qosanovtyń oblystyq saılaýaldy shtabynda saılaý kúni ýchaskelerde daýys berý protsesin qadaǵalaıtyn baqylaýshylar úshin semınar ótkizildi.

Іs-sharanyń moderatory jáne treneri - saıasattanýshy Dos Kóshim. Ol baqylaýshylardyń quqyqtary men mindetteri, saılaý kezinde oryn alýy yqtımal túrli jaǵdaılardaǵy áreketteri jaıly túsindirdi.

Sonymen qatar, ol Semeı qalasynyń jergilikti turǵyndarymen kezdesti.