Ámirjan Qosanov shtaby Qaraǵandyda baqylaýshylarǵa arnap semınar ótkizdi

QARAǴANDY. QazAqparat - Qazaqstan Respýblıkasy Prezıdenttigine úmitker Ámirjan Qosanovtyń saılaýaldy shtaby Qaraǵandy oblysynyń ortalyǵynda jáne aýdandarynda saılaý baqylaýshylaryna arnap semınar-trenıng ótkizdi. Bul jóninde kandıdattyń baspasóz qyzmeti habarlady.

Ámirjan Qosanov shtaby saılaý kúni ýchaskelerde daýys berý protsesin qadaǵalaıtyn baqylaýshylar úshin semınarlar ótkizýdi jalǵastyryp jatyr.

Saıasattanýshy Dos Kóshim baqylaýshylardyń quqyqtary men mindetteri, saılaý kezinde oryn alýy yqtımal túrli jaǵdaılardaǵy áreketi jaıly túsindirdi. Qatysýshylar qyzyǵýshylyq tanytqan taqyryptaryn kóterip, barlyq ózekti suraqtaryna jaýap aldy.

Elimizdiń barlyq óńirlerinde bolashaq baıqaýshylar bul protseske shynaıy qyzyǵýshylyq tanytýda.