Amerıkadan kólik jetkizemin dep adamdardy aldaǵan qashqyn ustaldy

ALMATY. QazAqparat - Asa iri kólemde alaıaqtyq jasaǵany úshin Qazaqstan azamaty Grýzııadan Qazaqstanǵa ekstradıtsııalandy, dep habarlaıdy QazAqparat tilshisi.

Almaty qalalyq prokýratýrasy Polıtsııa departamentimen birlese otyryp, Grýzııa elinen Saıat Islıamov esimdi qazaqstandyq azamatty ekstradıtsııalady.

Saıat Islıamov Astana, Almaty, Qaraǵandy óńirlerinde asa iri kólemde alaıaqtyq jasaǵan.

Tergeý nátıjesinde 8 adamnyń 250 myń AQSh dollary kólemindegi aqshasyn alyp ketkeni anyqtaldy. Bul aqshaǵa ol Amerıkadan kólik jetkizemin dep sendirgen. Ýádege senip qalǵan turǵyndar polıtsııaǵa aryzdanǵan. Kúdiktige halyqaralyq izdeý jarııalanǵan bolatyn.

Qazir ol ýaqytsha oqshaýlaý ornyna qamaldy. Tergeý amaldary jalǵasýda.