Amazon 18 myńnan astam qyzmetkerin qysqartady

NЬıÝ-IORK. QazAqparat - Amazon buryn 10 myń qyzmetkerin qysqartatyny jaıly habarlaǵan edi. Endi ol san 8 myńǵa artyp, 18 myń qyzmetkerin qysqartatyn bolyp jatyr. Bul týraly sársenbi kúni kompanııanyń onlaın-satý jónindegi bas dırektory Endı Djessı málimdedi, dep habarlaıdy QazAqparat TASS jańalyqtaryna silteme jasap.

Ótken jyldyń qarasha aıynda Amazon basshylyǵy 10 myń adamdy jumystan shyǵarýdy josparlap otyrǵany habarlanǵan bolatyn. Djessıdiń aıtýynsha, bul sheshim 2023 jyldy josparlaý aıasynda «ekonomıkadaǵy belgisizdik jáne sońǵy eki jylda kóp qyzmetkerlerdiń jumysqa alynýyna» baılanysty qabyldanǵan.

Júrgizilgen taldaý nátıjeleri boıynsha Amazon basshylyǵy birneshe laýazymdardy «qosymsha joıý týraly sheshim» qabyldady. Jalpy satý jáne qyzmetkerlerdi jaldaý bólimderinen 18 myńnan astam qyzmetker jumystan bosatylady.

Sońǵy eki jylda Amazon qyzmetkerleriniń sany koronavırýs pandemııasynan týyndaǵan onlaın qyzmetterge suranystyń artýyna baılanysty eki esege jýyq ósken. Sonymen qatar, sanıtarlyq shekteýler alynyp tastalǵandyqtan, kompanııa kirisiniń ósimi baıaýlady. The Wall Street Journal basylymynyń málimeti boıynsha, Amazon 2022 jyldyń qyrkúıegindegi jaǵdaı boıynsha barlyǵy 1,5 mıllıonǵa jýyq adamdy jumyspen qamtyǵan.

Foto: Michel Spingler, STR / Associated Press