Amankeldi Taspıhov shtabynyń ókilderi Batys Qazaqstanǵa keldi

NUR-SULTAN. QazAqparat - Búgin QR Prezıdenttigine kandıdat Amankeldi Taspıhovtyń Respýblıkalyq qoǵamdyq shtab tóraǵasynyń orynbasary Mırbolat Jaqypov jáne «Qazaqstandyq munaı-gaz kesheniniń salalyq kásiptik odaǵy» QB tóraǵasy Sultan Qalıev Batys Qazaqstan oblysynyń salalyq kásipodaqtarynyń jáne Batys Qazaqstan oblystyq qoǵamdyq shtabynyń ókilderimen kezdesý ótkizdi. Bul týraly Kásipodaqtar federatsııasynyń baspasóz qyzmeti habarlady.

Kezdesý barysynda respýblıkalyq shtab ókilderi M.Jaqypov pen S.Qalıev kandıdat Amankeldi Taspıhovtyń saılaýaldy tuǵyrnamasyna tolyǵyraq toqtalyp, eńbekkerlerdi qoldaýǵa baǵyttalǵan aıqyn mindet-maqsattary týraly aıtyp berdi.

QR Kásipodaqtar Federatsııasynan mańyzdy memlekettik laýazymǵa usynylǵan eńbekkerler ókili A.Taspıhovqa kásipodaqtardyń atynan aýyr mindet júktelip otyrǵany jáne osy mindetterdi atqarýda aýyzbirshilik pen uıymshyldyq mańyzdy ekenine asa nazar aýdardy. Qatysýshylar respýblıkalyq shtab ókilderine suraqtar qoıyp, óz tilekteri men usynystaryn jetkizdi.