Amankeldi Taspıhov shtabynyń ókilderi Aqtaýda kolledj ujymymen kezdesti

NUR-SULTAN. QazAqparat - Qazaqstan Respýblıkasy Prezıdenttigine kandıdat Amankeldi Taspıhovtyń Mańǵystaý oblystyq qoǵamdyq shtabynyń músheleri bilim salasy ókilderimen kezdesti. Bul jóninde QR Kásipodaqtar federatsııasynyń baspasóz qyzmeti habarlady.

Atap aıtqanda, senimdi ókilder kúnniń birinshi jartysynda Mańǵystaý oblystyq energetıka kolledjiniń, al ekinshi jartysynda Aqtaý qalalyq tehnologııalyq qyzmet kórsetý kolledjiniń eńbek ujymymen kezdesti. Oǵan oblystyq qoǵamdyq shtab múshesi, kásipodaqtar ortalyǵy basshysynyń orynbasary Telman Mataev pen bilim jáne ǵylym qyzmetkerleri salalyq kásipodaǵynyń Mańǵystaý oblystyq uıymynyń tóraıymy Tarbııa Baıymbetova qatysyp, sóz sóıledi.

Shtab ókilderi jınalǵandardy Amankeldi Taspıhovtyń ómirbaıanymen jáne saılaýaldy baǵdarlamasymen tanystyrdy. Kandıdattyń tuǵyrnamasy túsinikti jáne qarapaıym eńbek adamdaryna jaqyn ekenin aıtyp ótti.

Oblystyq kásipodaq ortalyǵy tóraǵasynyń orynbasary Telman Mataevtyń aıtýynsha, el tarıhynda tuńǵysh ret kásipodaqtar federatsııasy prezıdenttikke kandıdat usynyp otyr.

Kezdesýge 120-dan astam adam qatysty. Jınalǵan kópshilik baǵdarlama boıynsha suraq qoıyp, tushymdy jaýap aldy.