Amal meıramy: Otpan taýdyń basynda birlik oty jaǵyldy
Búgin kóne jyl sanaý boıynsha Jańa jyldyń bastaýy Amal aıy kirdi.
Amal – eski jyldan jańa jylǵa aman jetken aǵaıynnyń arasyna syılastyqty darytatyn yntymaq pen birliktiń, tatýlyqtyń merekesi.
Mańǵystaýda dástúrli túrde toılanyp kelgen jalpyhalyqtyń meıram bıyl koronavırýstyq ınfektsııanyń taralýyna jol bermeý maqsatynda toılanbady.
ıAǵnı Otpantaýdyń basyndaǵy úlken jıyn ázir ótpeıdi.
Degenmen birlik otyn jaǵý rásimi Mańǵystaý oblysynyń bas sanıtar dárigeriniń qaýlysyna sáıkes, barlyq karantın talaptaryn saqtaı otyryp, shaǵyn toppen ótkizildi.
Sharaǵa Mańǵystaý oblysynyń ákimi Serikbaı Trumov, óńirdiń zııaly qaýym ókilderi qatysty.
Merekelik kesh «Adaı ata - Otpan taý» tarıhı-mádenı kesheniniń Aqsaraı mýzeıinde fotograf S.Maıemerovtyń «Mańǵystaýdyń fotoshejiresi» atty kórmesinen bastaldy.
Qarashańyraq alańynda oblys ákimi Serikbaı Trumov, keshen ıdeıasynyń avtory Sabyr Adaı bastaǵan azamattar Táýelsizdiktiń 30 jyldyǵyna oraı 30 tal ekti.
Birlik pen izgiliktiń, turaqtylyq pen tatýlyqtyń belgisine aınalǵan Birlik otyn jaǵý rásiminde óńir basshysy atalmysh meıramnyń mán-maǵynasyna toqtalyp, jınalǵandardy Amal merekesimen quttyqtady.
«Byltyr álemdi sharpyǵan qaýipti indettiń órshýinen dástúrge aınalǵan «Birlik otyn» jaǵýǵa múmkindik bolmady. Halyqtyń amandyǵy men saýlyǵy basty nazarǵa alyndy. Eldi birlikke shaqyratyn, ortaq múddege uıystyratyn jaqsy dástúr úzilip qalmas úshin bıyl barlyq sanıtarlyq talaptardy saqtaı otyra, shekteýli adammen «Birlik Otyn» tutatqaly otyrmyz. Bul - Halqymyzdyń bostandyqqa, Elimizdiń Egemendike jetý jolynda janyn qıǵan babalar rýhyna taǵzym. Táýelsiz Qazaqstan birliginiń sımvoly! Ejelden jańartý men jasampazdyqtyń bastaýy, eldik pen birliktiń, yrys pen berekeniń arqaýy bolǵan Amal qajyrly eńbekterińizge tolaǵaı tabys ákelsin!»,-dedi S.Trumov.
Otpan taýdyń baýyrynda birlik oty jaǵylyp, aqsaqaldar batasyn berdi.
Shara sońynda Balyqshy ata urpaqtary Alaý jaǵý estafetasyn Jemeneı rýynyń ókilderine saltanatty túrde tabystady.
Oblystyq ardagerler qoǵamynyń beldi múshesi Salamat Nurov Amal merekesin bala kúnnen toılap keledi.
14 naýryz kúni qazanǵa sońǵy súr salynyp, dastarqan jaıylatyn. Aldymen úıdiń úlkenderimen kórisedi de, aǵaıyndy aralaýǵa shyǵady.
«Negizi kórisý sol shańyraqtyń ózinen bastalady. Áýeli áke-sheshemizge kórisemiz. Sosyn apa, aǵa-jeńgelerimizge kórisemiz. Tek ata men kelin kórispeıdi, qaıynaǵa men kelin kórispeıdi. Ol endi bizdiń dástúrimizde joq. Biraq olar ádemi etip sálem etedi. Kórisýdiń tárbıelik máni zor. Kópten kórmegen týysty izdep, baýyrmaldyqty nyǵaıtýǵa, ókpe-renishteri bolsa, tatýlasyp, araqatynasty jaqsartýǵa múmkindik týady. Kórisý merekesin asyǵa kútetin ár shańyraq qurt-maıyn qoıyp, qonaǵyn qarsy alady. Bir-birine syılyq syılap, iltıpatyn bildiredi», - deıdi oblystyq ardagerler qoǵamynyń múshesi Salamat Nurov.
Amal kúni Samarqanda kók tas balqyp, eń qatal adamdar da bir-birine degen júregindegi óshpendilikti joıyp, bir-birin keshirip, qushaqtasady.
Bul arabtyń Hamal degen aıyna baılanysty aıtylǵan. Jyl on eki aıda 12 jerden shyǵyp, 12 jerge batady.
Árıne, belgili qashyqtyqty saqtaı otyryp. Osy ár aıdyń atyna olar at qoıǵan. Sonyń birinshisi, jańa jyl aıynyń basy ál-Hamal dep atalady.
Osy aıǵa baılanysty qazaqtar Amal dep ketken muny. Oıdaǵy-qyrdaǵy aǵaıynmen qushaqtasyp, kórisý úshin Atyraý men Altaı, Arqa men Alataý arasyndaǵy alty Alashtyń balalary jylda Mańǵystaýdaǵy eń bıik jer – Otpantaýdyń basyna jınalady.
