Alýa Balqybekova bokstan álem chempıonatynda jarysty jalǵastyrady

ASTANA. KAZINFORM — Anglııanyń Lıverpýl qalasynda World Boxing aıasynda ótip jatqan álem chempıonatynda Qazaqstan quramasynan Alýa Balqybekova (51 keli) jartylaı fınal joldamasyna ıe boldy.

Otandasymyz shırek fınalda qytaılyq Iıý-Sýan Gýomen sharshy alańǵa shyqty. 

Qazaqstandyq boksshy birinshi jáne ekinshi raýndty óziniń paıdasyna sheshti. Nátıjesinde Alýa jartylaı fınalǵa joldama aldy.

Alýa Balqybekova 1996 jyly dúnıege kelgen. Qazirge deıin álem chempıonatynda altyn, kúmis, qola medal alsa, eki márte Azııa chempıony ataǵyn jeńip aldy. 

Búgin el quramasynan Mahmýd Sabyrhan (55 keli), Tórehan Sabyrhan (70 keli), Vıktorııa Grafeeva (60 keli), Eldana Talıpova (80 keliden joǵary) jartylaı fınalǵa shyqsa, Nurbek Oralbaı (80 keli) men Saǵyndyq Toǵambaı (90 keli) jarys jolyn aıaqtady.

Endi el quramasynan Karına Ibragımova (57 keli), Aıda Ábikeeva (65 keli), Gúlsaıa Erjan (80 keli), Bıbarys Jeksen (65 keli), Aıbek Oralbaı (90 keliden joǵary) sharshy alańǵa shyǵady.