Altynvalıýta qorynyń azaıýyna altynnyń qymbattaýy áser etti – Ulttyq bank

NUR-SULTAN. QazAqparat – QR Ulttyq bankiniń tóraǵasy Erbolat Dosaev elimizdiń altynvalıýta qorynyń qyrkúıek aıynda kemýin altynǵa degen suranystyń artýymen baılanystyryp otyr, dep habarlaıdy QazAqparat tilshisi.

«Altynvalıýta rezervteri bıylǵy jylǵy qyrkúıektiń sońynda 35,6 mlrd dollar bolyp, qyrkúıektiń basynan beri 1,2 mlrd dollarǵa tómendedi.

Altyn portfeli AQSh qazynashylyq oblıgatsııalary kiristiliginiń ósýi nátıjesinde altyn baǵasynyń bir ýntsııa úshin 1731 AQSh dollaryna deıin 4,6%-ke tómendeýi saldarynan 0,8 mlrd dollarǵa azaıdy», - dedi ol Úkimet otyrysynda.

Erbolat Dosaev biryńǵaı jınaqtaýshy zeınetaqy qoryndaǵy aktıvterdiń jyl basynan beri 194,3 mlrd teńgege nemese 1,5% ulǵaıǵanyn atady. Osylaısha qyrkúıektiń sońynda onyń japy kólemi 13,1 trln teńge bolǵan.

«Esepti kúnge salymshylardyń zeınetaqy jınaqtaryn merziminen buryn alýǵa arnalǵan 491,7 myń ótinishteriniń oryndalyp, 1,9 trln teńge aýdaryldy. Onyń 97,5%-y turǵyn úı máselelerin sheshýge tıesili. Bıylǵy 9 aıdyń qorytyndysy boıynsha ınflıatsııa 6,2% bolǵan kezde 8,9% mólsherinde kiristilik alyndy. Osylaısha, bıylǵy jyldyń basynan bastap Biryńǵaı jınaqtaýshy zeınetaqy qorynyń salymshylary úshin 2,7% mólsherinde naqty kiristilik qamtamasyz etildi», - dedi Ulttyq bank tóraǵasy.