Altynemel men Saıram-Ógemde qar barysy vıdeoǵa túsip qaldy

NUR-SULTAN. QazAqparat - Qar barystary birden eki ulttyq parkte vıdeoǵa túsip qaldy, dep habarlaıdy QazAqparat.

Jyrtqyshtardyń vıdeosyn Orman sharýashylyǵy jáne janýarlar dúnıesi komıteti jarııalady.

Qabylandar qazir erekshe qorǵalatyn 9 tabıǵı aýmaqta mekendeıdi.

Osy joly olar Altynemel jáne Saıram-Ógem ulttyq parkterinde ornatylǵan fototuzaqtarǵa túsken.

Atalmysh janýar Halyqaralyq tabıǵatty qorǵaý odaǵynyń (IUCN) qyzyl tizimine engizilgen.

Qar barysy 12 elde mekendeıdi jáne onyń barlyǵynda sırek kezdesetin nemese quryp ketý qaýpi tóngen túr bolyp tanylǵan.

Qazir elimizde shamamen 140-180 ilbis bar.

Vıdeodan alynǵan kadr