«Altyn tobylǵy» ádebı baıqaýyna ótinim qabyldanyp jatyr

ASTANA. QazAqparat - «Altyn tobylǵy» ádebı baıqaýynyń syıaqy qory 5,5 mıllıon teńgeni quraıdy. Ótinimder 2018 jylǵy 1 shildeden bastap 1 qarashaǵa deıin qabyldanady, dep habarlaıdy QazAqparat Astana ákimdiginiń saıtyna silteme jasap.

Konkýrsqa qatysý úshin 18 ben 35 jas aralyǵyndaǵy jas qazaqstandyq avtorlar shaqyrylady. Buryn esh jerde jarııalanbaǵan eńbekter ǵana qaralady.

Konkýrstyń quryltaıshysy jáne uıymdastyrýshysy - Qazaqstan Respýblıkasy Tuńǵysh Prezıdenti - Elbasynyń Qory. Konkýrstyń áriptesteri: Qazaqstan Jazýshylar Odaǵy jáne Memlekettik tildi damytý qory.

Jeńimpazdar (júldeniń laýreattary) 2018 jylǵy jeltoqsannyń birinshi onkúndiginde jarııalanady. Tolyǵyraq www.fpp.kz. saıtynda.

«Úzdik proza», «Úzdik poezııa», «Úzdik dramatýrgııa», «Balalarǵa arnalǵan úzdik shyǵarma». Osy tórt nomınatsııa boıynsha árbir jeńimpazǵa 1,5 mıllıon teńge beriledi. Bıylǵy konkýrstyń ereksheligi - «Astananyń 20 jyldyǵyna arnalǵan úzdik shyǵarma» arnaıy taqyryptyq  nomınatsııa.

Konkýrstyń qazylar alqasynyń quramyna Qazaqstan Respýblıkasynyń mádenıet qaıratkerleri, qazaqstandyq ádebıetshiler jáne jýrnalıster kirdi.

Konkýrstyq jumystar janrǵa sáıkestigi, ózindik oılaý qabileti, avtorlyq ustanymy, baıandaý birizdiligi jáne kózqarasy, ıdeıanyń sonylyǵy, ádebı-kórkemdik qundylyǵy, qııaly men shyǵarmashylyq ádisi, emotsııalyq jáne estetıkalyq áseriniń tereńdigi.

«Altyn Tobylǵy» júldesi jyl saıyn ádebıettegi jańa esimderdi ashady, jas qalamgerlerdiń ómirlik fılosofııasyn beıneleıtin qazirgi zamanǵy ádebıetti damytýǵa kómektesedi.