«Altyn qalam» úzdik shyǵarmalardy aǵylshyn tiline aýdaryp, halyqaralyq aýdıtorııaǵa shyǵarmaq
Qoǵam qaıratkeri Aıdos Sarymnyń aıtýynsha, qazirgi tańda 2 halyqaralyq júldeniń uıymdastyrýshylarymen kelissózder júrgizilip jatyr.
«Bolashaqta birikken Ortalyq Azııa júldesi paıda bolady dep josparlap otyrmyz. Onyń jeńimpazynyń jumysy aǵylshyn tiline aýdarylady. Bul olarǵa halyqaralyq dárejedegi baıqaýlarǵa qatysýǵa jol ashady», - dedi Aıdos Sarym.
Sondaı-aq, bıyl ótetin baıqaýǵa birqatar ózgerister engeni belgili boldy.
Atap aıtqanda, «Daraboz» balalar shyǵarmashylyǵy jazýshylary baıqaýy men «Altyn qalam-2017» ádebı júldesi birikti.
Baıqaý nátıjesinde 2 kitap jaryq kóredi.
Uıymdastyrýshylardyń biri Qýat Dombaıdyń aıtýynsha, eki baıqaýdyń bıýdjeti birigýiniń arqasynda júldegerlerdiń eńbekterin aǵylshyn tiline aýdarý qolǵa alynbaq.
«Meloman» jelisi arqyly ishki naryqqa, Amazon Kindle arqyly halyqaralyq aýdıtorııaǵa taratamyz. Bul múlde ózge naryq. Osylaısha qazaq ádebıetin álemniń mádenı kartasyna ornalastyramyz. Munyń bári yntymaqtastyqtyń arqasynda júzege asyp otyr», - dedi Qýat Dombaı.
Belgili bolǵandaı, júlde barysynda kóbine proza janryndaǵy eńbekter túsip jatyr. Uıymdastyrýshylar fantastıka, detektıv janryndaǵy eńbekterdiń azdyǵyn aıtty.
«Bizge ózimizdiń Karıb teńiziniń pırattary kerek, batyrlar týraly povester kerek. Ásirese, jasóspirimder aýdıtorııasyna aýadaı qajet ádebı shyǵarmalar joqtyń qasy. Óıtkeni, dál osy kezde jastardyń sana-sezimi qalyptasady», - dedi Q.Dombaı
Aıta ketý kerek, «Altyn qalam» baıqaýy boıynsha shyǵarmalar bıyl 8 atalym boıynsha synǵa túsedi. Jeńimpazǵa «Jersý» ınvestıtsııalyq-óndiristik korporatsııasy atynan 1 mln. teńge kóleminde syılyq alady.
Sondaı-aq, bıyl Alash qozǵalysyna 100 jyl tolǵanyna baılanysty Alashorda taqyrybynda jazylǵan úzdik shyǵarma Esenqul Mamanuly atyndaǵy arnaıy syılyqqa ıe bolady.
Baıqaýǵa qazaq jáne orys tilinde jazylǵan shyǵarmalar aqpannan bastap qyrkúıektiń 15-ine deıin qabyldanady.
