«Altyn qalam» baıqaýyna - 10 jyl: Jańa kezeńge shyǵarmalar qabyldana bastady
Baıqaýǵa qazaq jáne orys tilinde jazylǵan týyndylar qabyldanady. Oqyrmandar qazan aıynyń 1-ne deıin daýys bere alady.
Oqyrmandar tómendegi atalymdar boıynsha daýys beredi:
1. DARABOZ. Jyldyń úzdik balalar jáne jasóspirimder shyǵarmasy
2. Jyldyń úzdik poezııasy
3. Jyldyń úzdik prozasy
4. Esenjol Dombaev atyndaǵy jyldyń úzdik satırasy
5. Jyldyń úzdik fantastıka jáne detektıv shyǵarmasy
6. Jyldyń úzdik kınostsenarııi jáne dramatýrgııasy
7. Esenqul Mamanuly atyndaǵy syılyq qazaq tilinde jazylǵan úzdik romanǵa beriledi.
Alǵashqy kezeńde shyǵarmalar www.akalam.kz veb-saıtynda irikteledi. Oqyrmandar ózine unaǵan jumysqa daýys bere alady. akalam.kz saıtyndaǵy onlaın-daýys berý 6 aı boıy jalǵasady. Daýys berý aıaqtalǵan soń, ár atalym boıynsha 5 shyǵarma tańdap alynady. Saıystyń ekinshi kezeńine oqyrmandar tarapynan eń kóp daýys jınaǵan shyǵarmalar ótedi. Odan keıin uıymdastyrýshylar men joba seriktesterinen quralǵan qazylar árbir nomınatsııa boıynsha jeńimpazdardy anyqtaıdy. Ótken jyldardaǵydaı baıqaý barysynda shyǵarma avtorlary kórsetilmeıdi.
Esenqul Mamanuly atyndaǵy bas júlde - 1 000 000 (1 mln) teńge qazaq tilinde jazylǵan úzdik romannyń avtoryna buıyrady. Sonymen qatar, balalar ádebıetine arnalǵan «Daraboz» baıqaýynyń jeńimpazyna - 1 000 000 (1 mln) teńge beriledi. Qarjylaı syılyqtardy «ZHERSU» ınvestıtsııalyq-óndiristik korporatsııasynyń jetekshisi Baýyrjan Ospanov taǵaıyndap otyr.
«Altyn qalam 2019» jeńimpazdarynyń esimi kúzde ótetin marapattaý sharasynda jarııalanady.
«Altyn qalam» júldesi 2009 jyly alǵash ret uıymdastyryldy. Árıne, ol kezde baıqaýdyń 10 jyldyǵyn atap ótemiz, baıqaý jyl saıyn ótetin dástúrli báıgege aınalady dep oılaǵan joqpyz. Alys-jaqyn sheteldik avtorlar óz shyǵarmalaryn jóneltip, «Altyn qalamǵa» qyzyǵýshylyq tanytady degen oı úsh uıyqtasaq, túsimizge kirmegen. Kitap dúkenderine kirgende baıqaý jeńimpazdarynyń kitaptaryn kórip, marqaıyp qalamyz. «Altyn qalam» halyqtyq báıgege aınalǵanyn, avtorlarymyzdyń qurmetke bólenip jatqanyn maqtan tutamyz», - deıdi «Altyn qalam» ádebı júldesin uıymdastyrýshylardyń biri Kenje Jumanuly.
Ádebı týyndylardy uıymdastyrý komıtetiniń adebiet2014@gmail.com, kenze2002@mail.ru elektrondyq poshtalaryna joldaýǵa bolady. Konkýrs jaıly tolyq málimetti júldeniń resmı saıtynan bile alasyzdar. Saıysqa túsken barlyq shyǵarma atalǵan saıtta jarııalanady.
«Daraboz» baıqaýyna 11 jyl ishinde shamamen 1000 avtor qatysty. Úzdik shyǵarmalardan jınaqtalǵan «Káýsar bulaq» jáne «Chıstyı rodnık» kitaptary oqyrman nazaryna usynyldy. Jaryq kórgen kitaptar elimizdegi mektepterge jáne kitaphanalarǵa tegin taratyldy. Bul jınaqtar oqýshylar men ustazdarǵa, tárbıeshiler men ata-analarǵa jáne jalpy oqyrman qaýymǵa arnalǵan. Bul baıqaý 2017 jyldan beri «Altyn qalam» ádebı júldesi aıasynda ótkizile bastady.
Qazaq ádebıetiniń búgini men bolashaǵyna beı-jaı qaramaıtyn, qoǵamdyq qyzmettiń ár salasynda eńbek etip júrgen Dosym Sátpaev, Qýat Dombaı, Kenje Jumanuly, Rasýl Jumaly jáne Aıdos Sarym sekildi azamattar aqyldasa kelip, 2009 jyly «Altyn qalam» ádebı júldesin ótkizý týraly bastama kótergen bolatyn. Olar elimizdiń rýhanı-mádenı damýyna Qazaqstan azamaty retinde úles qosý jáne jas daryndar men jańa esimderdiń qalyń jurtqa tanylýyna yqpal etýdi maqsat etti. Keıin uıymdastyrýshylar qataryn elimizge belgili tulǵalar Arman Shoraev, Nurjan Muhamedjanova tolyqtyrdy.
Altyn qalam baıqaýynyń byltyrǵy jeńimpazdary týraly myna siltemeden oqı alasyzdar.
