«Altyn belgi» ıegerleri pedagogıka mamandyqtaryn jıi tańdaıtyn boldy - Ashat Aımaǵambetov
Almatyda tamyz forýmynda moderator Nurlan Qııasov bıyl Ulttyq biliktilik testileý qorytyndysy boıynsha pedagogıkalyq joǵary oqý oryndary túlekteriniń 75%-y shekti baldan ótpegenin málimdedi.
«Bul jerden «Keleshekte bizde pedagogterdiń tapshylyǵy bolmaı ma?» degen saýal týyndaıdy», - dep suraq qoıdy ol mınıstrge.
«Iá, bul rasymen óte mańyzdy másele. Prezıdent tapsyrma berdi jáne biz mundaı qajettilik bar ekenin kórip otyrmyz. Biz 2025 jylǵa deıin shamamen 1 mln oqýshy ornyn engizýimiz kerek. Bul kem degende 1000 mektep. Biraq, biz úshin 1000 mekteptiń qurylysy emes, osy mektepterge kadrlar daıarlaý máselesi tur. Bizge 100 myńnan astam pedagog qajet bolady. Olar joǵary bilikti bolýlary kerek. Olardy daıyndaý biz úshin úlken másele. Biz bıyl alǵash ret sertıfıkattaý rásimin engizdik. Sertıfıkattaýdan shamamen tek 27%-y ótip, mektepte jumys isteýge múmkindik aldy», - dedi Ashat Aımaǵambetov.
Oqý-aǵartý mınıstri Bilim jáne ǵylym mınıstri bolǵan kezinde bolashaq ustazdarǵa sapaly bilim alýǵa múmkindik bermeıtin 36 ýnıversıtettiń lıtsenzııasyn qaıtaryp alǵanyn eske saldy.
«Bizdiń 3-4 jyl buryn úlken reforma júrgizip, joǵary oqý oryndaryna akademııalyq erkindik bergenimiz esimizde. Pedagogıkalyq ýnıversıtetterde baǵdarlamalar óte reglamenttelgen, olardyń tıptik oqý josparlary stýdentterge eńbek naryǵynyń suranystaryna beıimdelýge múmkindik bermedi. Sondyqtan qazir bizde keshendi sharalar qabyldanýda. Sertıfıkattaý qalady, pedagogıkalyq bilim týraly dıplom árıne mańyzdy ról oınaıdy. Alaıda, dıplom alǵannan soń, mektepke kelip, óz kásibine kirisý úshin bolashaq pedagogtarǵa mindetti túrde ulttyq biliktilik testileýinen ótýleri qajet. Sebebi, onda olar ózderiniń pándik bilimderi men oqytý ádistemelerin tapsyrady jáne kórsetedi. Biz osy pozıtsııada turamyz», - dedi mınıstr.
Ashat Aımaǵambetov pedagogterdi qaıta daıarlaýdyń jańa júıesi engizilip jatqanyn aıtty.
«Mysaly, bizde hımıkter bar, biraq, olar hımııa pániniń muǵalimderi emes, nemese tarıhshylar, bul da ǵylymı baǵyt, biraq, olar da tarıh pániniń ustazdary emes. Biz olarǵa osy mamandyqqa «búıirden kirýge» múmkindik berý týraly sheshim qabyldadyq, olar qaıta daıarlaý kýrstarynan ótedi. Onda negizinen pedagogıkalyq praktıka jáne oqytý ádistemesi bolady. Ary qaraı olar mektepke kelip, jumys isteýlerine bolady. Bul pedagogterdiń jetispeýshiligi máselesin sheshedi», - dedi spıker.
Mınıstr sondaı-aq «Pedagog mártebesi týraly» zańnyń qabyldanýy úlken áser etkenin atap ótti.
«Bul mamandyqqa osydan birneshe jyl buryn eń tómen kórsetkishtermen mektep túlekteri keletin. Ol kezde Ulttyq biryńǵaı testileýdiń ortasha baly shamamen 55 ball, eń joǵary ball - 140, shekti ball - 50 bolatyn. ıAǵnı, eń az ball jınaǵan mektep túlekteri bul mamandyqty tańdaıtyn. Qazirgi tańda qabyldanǵan ózgeristerdiń arqasynda ortasha ball 100-ge jýyq ball boldy. Bul mamandyqty tańdaǵan «Altyn belgi« ıegerleriniń sany eki esege artty», - dedi Ashat Aımaǵambetov.
