Altyn-Emel aýmaǵyndaǵy tabıǵı órt sóndirildi
ASTANA. KAZINFORM — Jetisý oblysy Panfılov aýdany Aıdarly aýylynan 15 shaqyrym qashyqtyqta ornalasqan «Altyn-Emel» memlekettik ulttyq tabıǵı parkiniń aýmaǵynda bolǵan tabıǵı órt tolyqtaı sóndirildi. Bul týraly TJM baspasóz qyzmeti habarlady.
Búgin tańerteńnen bastap TJM «Qazavıaqutqarý» sý tógetin qurylǵysy bar MI-8 tikushaǵy jumyldyrylyp, jalpy kólemi 72 tonna bolatyn 24 ret sý tógý jumysy júrgizildi. Órttiń jalpy aýdany 45 gektar boldy.
Tilsiz jaýdy aýyzdyqtaýǵa Jetisý jáne Almaty oblystarynyń TJD kúshteri men quraldary, «Altyn-Emel» memlekettik ulttyq tabıǵı parki qyzmetkerleri, «Qazavıormanqorǵaý», Jarkent orman sharýashylyǵy, jergilikti atqarýshy organdar, sondaı-aq «Qazavıaqutqarý» áýe kemesi jumyldyryldy. Barlyǵy shamamen 120 adam jeke quram jáne 30-dan astam tehnıka qatysty.
Qutqarýshylar men QR TJM avıatsııasynyń úılesimdi is-áreketi, sondaı-aq barlyq qurylymdardyń ózara tıimdi árekettesýi órttiń taralýyna jol bermeı, ony qysqa merzimde tolyqtaı sóndirýge múmkindik berdi.
Aıta ketelik Aqtóbede qurǵaq shóp órtendi.