Altyn baǵasy rekordtyq deńgeıge kóterildi

ASTANA. KAZINFORM – Seısenbi kúngi Azııa sessııasy barysynda altyn baǵasy jańa rekordtyq deńgeıge jetip, 3500 dollarǵa jaqyndady, dep habarlaıdy Investing.

04:27-degi jaǵdaı boıynsha (GMT), altynnyń spottyq baǵasy 1,7%-ǵa, ýntsııasy úshin 3 482,76 dollarǵa deıin ósti, al maýsymdaǵy fıýcherster 1,9%-ǵa ósip, ýntsııasy 3 491,20 dollardy qurady.

Ósimniń negizgi faktorlary – geosaıası táýekelderdiń kúsheıýi, ortalyq bankter tarapynan joǵary suranys jáne ınflıatsııaǵa qatysty alańdaýshylyqtyń jalǵasýy boldy, dep jazdy Investing.

Kezekti ósim AQSh-tyń aqsha-nesıe saıasatyna qatysty alańdaýshylyqqa baılanysty boldy, ıaǵnı prezıdent Tramp Federaldy rezerv júıesin qaıta qurý josparyn jarııalaǵannan keıin boldy.

Aq úıdiń Ulttyq ekonomıkalyq keńesiniń dırektory Kevın Hassett juma kúni Tramp pen onyń komandasy FQJ tóraǵasy Djerom Paýelldi jumystan bosatý múmkindigin zertteýdi jalǵastyryp jatqanyn málimdedi.

Dúısenbide Tramp AQSh ekonomıkasy dereý qysqartýsyz baıaýlaýy múmkin ekenin aıtyp, FQJ-sin mólsherlemelerdi tómendetýge taǵy da shaqyrdy.

Osyǵan deıin 2025 jyly Ortalyq Azııa ekonomıkasynyń ósimi 5%-dy quraıtyny týraly jazdyq.