Altaı taýynda ósetin «Bek» dárilik shóbin tek baqýat adamdar paıdalanǵan
Dúnıejúzi farmatseftıka salasynda qoldanatyn ósimdikterdiń basym bóligi Altaı taýlarynda ósedi. Bul týraly Ortalyq Azııa memleketteriniń buqaralyq aqparat quraldaryna arnalǵan baspasóz týry kezinde Altaı shóp-dári mýzeıiniń ókili aıtyp berdi, dep habarlaıdy Kazinform.
Altaı shóp-dári mýzeıi — týrıster kóp keletin nysandardyń biri. Dál osy jerde Altaıdyń ósimdik dúnıesimen tolyq tanysýǵa bolady.
Mýzeı qyzmetkeri Mereı Erkinniń aıtýynsha, Altaı — adam janynyń ǵana emes, tániniń de emshisi.
Altaı taýlarynda 2300 túrli ósimdik ósedi. Onyń 700-ge jýyǵynyń emdik qasıeti bar.
«Bizdiń mýzeıde Altaı aımaǵynda ósetin myńnan astam ósimdiktiń úlgisi bar. Sonyń ishinde erekshe atap ótkim keletini — bek shóbi. Ol tek Altaıda ǵana ósedi. Erte zamanda ony tek aýqatty, baılar ǵana tutynǵan eken. Onyń tamyry adam aǵzasyna óte paıdaly. Immýnıtetti jaqsartady. Jyrtqysh ańdardan aıý jeıdi. Sondyqtan bolar sońǵy jyldary sırep ketti. Osyny eskergen jergilikti bılik ony óz qorǵaýyna aldy. ıAǵnı, adamdarǵa jınaýǵa tyıym salyndy», — dep atap ótti Mereı Erkin.
Sonymen qatar, mýzeıden teri, júrek, baýyr, búırek aýrýlaryna shıpasy mol dárilik shópterdi kezdestirýge bolady.
«Budan bólek, jabaıy sańyraýqulaqtyń 350-ge tarta túri bar. Oyń 200-den astam túrin jeýge bolady. Onyń ishinde 70-ten kóbiniń emdik qasıeti bar. Jaman aýrýdyń aldyn alatyn túrin de keziktirýge bolady», — deıdi mýzeı qyzmetkeri.
Altaı — Qytaı Halyq Respýblıkasy Shyńjań Uıǵyr avtonomııa aýdanynyń Іle Qazaq avtonomııa oblysyna qarasty aımaq.
Batysynda Qazaqstanmen, soltústiginde Reseımen, soltústik-batysynda Mońǵolııamen shektesedi.
Batystan shyǵysqa qaraı 2000 shaqyrymǵa sozylyp jatyr.
