Altaı Kólginov Oraldaǵy halyqaralyq áýejaı týraly: Menshik ıesi nysandy jańǵyrtýǵa aqsha salmaǵan
«Bul áýejaıdyń óz jaǵymsyz tarıhy bar. Bul buryn bolǵan oqıǵa. Teris málimet bermeý úshin qazir naqty aı-kúnin aıta almaımyn. Bul áýejaı kezinde jekeshelendirilgen jáne menshik ıesi nysandy jańǵyrtýǵa aqsha salmaǵan – ushý-qoný jolaǵyna da, termınalǵa da. Shamamen 10 jyldaı buryn ushý-qoný jolaǵy memleket esebinen jóndelgen. Al termınal byltyr «Qarashyǵanaq Petrolıým Opereıtıng» esebinen jóndeldi. Bul da ákimdiktiń bastamasy bolatyn», - dedi vıtse-Premer.
Onyń aıtýynsha, menshik ıesi áýejaıdy ózgeniń basqarýyna berý úshin memlekettiń kelisimi kerek.
«Qazirgi bir qoldan ekinshi qolǵa berý týraly qujattardy kórmeı pikir bildire almaımyn. Zertteý kerek. Nege jeke menshik ıesi basqa basqarýshyǵa berip jatqanyn anyqtaý kerek. Óıtkeni memlekettiń kelisimi kerek. Sondyqtan anyqtaý kerek», - dedi Altaı Kólginov.
