Altaı Kólginov: Qutqarýshylar bıyl 400-ge jýyq adamnyń ómirin saqtap qaldy
Nur-Sultan qalasynyń TJ departamenti qyzmetkerleri medal jáne tósbelgilermen marapattaldy.
Elorda ákimi Altaı Kólginov tótenshe jaǵdaı kezinde tabandylyq pen erjúrektilik, naǵyz batyrlyq kerektigin atap kórsetti.
Aldyn ala júrgizilgen tekseris jumystarynyń nátıjesinde jyl basynan beri elordada órt sany 5%-ke, al sýǵa batyp ketýshiler sany úsh esege deıin azaıǵany anyqtaldy.
«Sizder – qutqarýshylar, órt sóndirýshiler, ózgeler qıyn da qaıǵyly jaǵdaıǵa tap bolǵanda eń birinshi bolyp qasynan tabylyp, jedel ári batyl qımyldap, kómek kórsetip, ómirlerin qutqarasyzdar. Qutqarýshylar qatarynda selqos, enjarlarǵa oryn joq. Sizder bıylǵy jyly 395 adamdy qutqaryp, 460 adamdy kóshirý jumystaryn júrgizdińizder. Sizder ıgilikti ispen aınalysasyzdar. Sizderdiń arqalaryńyzda aman saqtaǵan materıaldyq qundylyǵymyz 1,5 mlrd. teńgeden asady. Sizderdiń júrektilikterińiz, kásibı biliktilikterińiz úshin, aıanbaı etken eńbekterińiz ben boryshqa degen adaldyqtaryńyz úshin alǵys bildiremiz. Merekelerińizben!» - dedi A.Kólginov.
QR ІІM TJ jónindegi komıtet tóraǵasy Vladımır Bekker atap ótkendeı, respýblıka boıynsha qutqarýshylar 9 myńnan astam adamdy qutqarǵan.
Elordany damytý jónindegi keńeste prezıdent Qasym-Jomart Toqaev ǵımarattardyń órt qaýipsizdigi sharalalaryn kúsheıtip, qalalyq órt qyzmetterin barlyq qajetti tehnıkamen qamtamasyz etýdi tapsyrdy.
Qalada 11 órt bólimsheleri men avıa-qutqarýshylar otrıady bar. Departament qurylymynda 1700 adam qyzmet etedi, 160 arnaıy tehnıka bar. Bıyl 9 arnaıy avtotransport satylyp alynady.
Sonymen qatar Alash tasjolyndaǵy órt deposynyń qurylys jumystary aıaqtalady jáne de taǵy úsh órt deposyn (Ilınka t/a, Kóktal jáne №28 kóshesi boıynsha) jobalaý júrgizilýde. Órt jáne qutqarýshylar qurylymdarynyń qyzmetkerlerin áleýmettik qoldaý maqsatynda olarǵa arendalyq baspanalar beriledi.
