Álisher Muqajan jańa qyzmetke taǵaıyndaldy

ASTANA. KAZINFORM – Qazaqstan Mádenıet jáne aqparat mınıstriniń buıryǵymen Álisher Muqajan Aqparat komıteti tóraǵasy qyzmetine taǵaıyndaldy. Bul týraly Úkimettiń baspasóz qyzmeti habarlady.

Álisher Qýatuly 1992 jyly Almaty qalasynda dúnıege kelgen.

Ál-Farabı atyndaǵy Qazaq ulttyq ýnıversıtetin, D.Qonaev atyndaǵy Eýrazııalyq zań akademııasyn, Turan ýnıversıtetin bitirgen.

Eńbek jolyn 2015 jyly jeke qurylymdarda bastady.

2017 jyldyń qańtar-maýsym aılarynda QR Din isteri jáne azamattyq qoǵam mınıstrligi Mádenıetter men dinderdiń halyqaralyq ortalyǵynyń aǵa sarapshysynyń mindetin atqarýshy.

2017–2018 jyldary — QR Din isteri jáne azamattyq qoǵam mınıstrligi baspasóz qyzmetiniń sarapshysy.

2019–2023 jyldary — QR Aqparat jáne qoǵamdyq damý mınıstrligi BAQ-pen ózara is-qımyl departamentiniń sarapshysy, QR Aqparat jáne qoǵamdyq damý mınıstrligi (keıinnen Mádenıet jáne aqparat mınıstrligi) BAQ salasyndaǵy memlekettik saıasat departamenti dırektorynyń orynbasary.

Buǵan deıin Qýanyshbek Esekeev Prezıdenttiń kómekshisi bolyp taǵaıyndalǵanyn jazǵan edik.