Almatynyń ındýstrııalyq aımaǵynda qandaı jańa jobalar iske qosyldy
2020 jyly Almaty ındýstrııalyq aımaǵynda jalpy somasy 28,8 mlrd teńgege 3 joba iske qosyldy. Bul jobalar 442 jumys ornyn qurýǵa múmkindik berdi.
Olar «DorHan-Almaty» JShS metall óńdeý jáne jyljymaly qorshaý konstrýktsııalaryn, Avtomatty qaqpalary men rolstavtaryn óndirý zaýyty, quny 28 mlrd teńge bolatyn jylyna 45 myń avtokólik shyǵaratyn «Hyundai Trans Kazakhstan» JShS zaýyty.
Sondaı-aq, quny 443,4 mln teńge, jobalyq qýaty jylyna 29 mlrd teńge medıtsınalyq maqsattaǵy buıymdardy shyǵaratyn «Almerek» JShS zaýyty bar.
Jaqyn arada jalpy somasy 16,8 mln teńgege taǵy 5 jobany («Rahat SK» JShS avtoklavty qatyrý jylý-gaz blogyn óndirý zaýyty, «Tehnokont» JShS ortasha voltti jıyntyqty taratý qurylǵylaryn óndirý zaýyty, «Valtherm» JShS alıýmınıı jáne bımetaldy jylytý radıatorlaryn óndirý zaýyty, «KMK Investment» JShS kabel-ótkizgish ónimderin óndirý zaýytynyń ekinshi kezeńi, «G.S.G. Vysotnık» JShS avtoklavty uıashyqty gazobeton óndirý zaýyty) iske qosý josparlanýda. Osy jobalardyń arqasynda 388 jańa jumys orny ashylady.
«2021 jyly jáne odan keıingi jyldary Almatynyń ındýstrııalyq aımaǵynda 5 myńnan astam jumys ornyn, onyń ishinde eksportqa baǵdarlanǵan 15 kásiporyndy qura otyryp, somasy 119,7 mlrd teńgege 35 jobany iske qosý josparlanýda. Qazirgi ýaqytta atalǵan rezıdentter bólingen ýchaskelerde jobalaý, qurylys, izdestirý jumystaryn júrgizip jatyr.
Sondaı-aq, 2021 jyly ındýstrııalyq aımaq aýmaǵynda 5 ónerkásiptik park salynyp jatyr»,- dedi spıker.
Almaty ındýstrııalyq aımaǵynyń rezıdent kompanııalary Almaty qalasy ekonomıkasynyń damýyna eleýli úles qosyp jatyr. Sondaı-aq elimizdiń jedel ekonomıkalyq ósýine, ımportty almastyrýǵa, ishki naryqty molyqtyrýǵa, halyqtyń jumyspen qamtylýyn arttyrýǵa jáne áleýmettik jaǵdaıdy jaqsartýǵa yqpal etedi.
