Almatylyqtarǵa 2 myń turǵyn úı sertıfıkaty beriledi
Qala basshysy ıpoteka boıynsha bastapqy jarnanyń bir bóligin jabý úshin jáne bastapqy turǵyn úıdi satyp alý kezinde «turǵyn úı sertıfıkattaryna» jergilikti bıýdjetten qarjylandyrý máselesi qaralyp jatqanyn atap ótti.
«Bul másele bizdiń baqylaýymyzda. Biz qazirdiń ózinde qansha úı beriletinin bilemiz, árbir almatylyq óz kezegin elektrondy túrde baqylap, kimge úı beriletinin kóre alady. Eshqandaı qupııa joq. Kezekti jedeldetý jónindegi jumysymyz ony bıylǵy jyldyń bıýdjetine engizdi, biz kópbalaly analarǵa turǵyn úı sertıfıkatyn beretin bolamyz. Eger olar turǵyn úıdi «otbasylyq bank» arqyly satyp alatyn bolsa, onda bastapqy jarnaǵa 2 mlr teńge bóldik. 2000 otbasy kómek ala alady», - dedi Baqytjan Saǵyntaev.
Bul tólem kelesi sanattar úshin qarastyrylǵan:
-kópbalaly otbasylar, múgedek balalary bar nemese múgedek balalardy tárbıelep otyrǵan otbasylar;
-jetim balalar, 1-2 sanattaǵy múgedekter.
Aıta keteıik, sońǵy 3 jylda 10 myńnan astam almatylyq otbasy páter aldy. Onyń 1,3 myńnan astamy qalalyq turǵyn úı qorynan bólingen jáne 8 myńnan astamy jeńildetilgen ıpoteka boıynsha bólingen.
Turǵyn úı alǵandardyń 40%-ǵa jýyǵy áleýmettik jaǵynan osal toptar: 2,3 myńnan astamy – kóp balaly jáne tolyq emes otbasylar, 600-ge jýyǵy-múmkindigi shekteýli adamdar, 300-den astamy-jetim balalar.
Sonymen qatar, «Baqytty otbasy» baǵdarlamasy aıasynda turǵyn úıge jyldyq 2%-ben jeńildikpen nesıe berý qarastyrylǵan.Bul rette turǵyn úı qurylys Otbasy bankindegi tólem qabilettiligin baǵalaý jeńildetilgen tártippen júrgizilýde. Baǵdarlamaǵa qatysýshy qaryz boıynsha aı saıynǵy tólemdi tóleý úshin kiristerdi jáne bir eresek adamǵa 5 AEK mólsherinde turý úshin eń tómengi somany rastaýy qajet.Tólem qabilettiligin baǵalaý kezinde balalarǵa arnalǵan shyǵystar eskerilmeıdi.
