Almatylyqtar «Men qazaqpyn» chellendjin qoldady
Elimizde bastalǵan chellendj aıasynda, 16 jeltoqsan kúni Respýblıka alańynda qala ákimshiliginiń basshylyǵy, Órt sóndirý jáne avarııalyq-qutqarý qyzmetiniń qyzmetkerleri, Ardagerler keńesi, úkimettik emes jáne jastar uıymdarynyń ókilderi, QHA músheleri, Qazaqstannyń eńbek sińirgen qaıratkerleri jáne taǵy basqalar «Men qazaqpyn» ánin shyrqady.
Respýblıka alańy merekege saı bezendirildi: túrli tústi gúlder men memlekettik rámizder belgilengen kók tústi jalaýshalar jınalǵandardyń boıyna patrıottyq sezim uıalatyp, kóńil-kúıin kóterdi.
Qala basshylyǵy, ardagerler keńesi, saıası partııalar men qoǵamdyq birlestikter, 1986 jyly Jeltoqsan oqıǵasyna qatysýshylar, jastar uıymdary, sondaı-aq qala turǵyndary Respýblıka alańynda Táýelsizdiktiń basty sımvolyna gúl shoǵyn qoıdy.
Bul chellendjdiń maqsaty – Qazaqstannyń Táýelsizdik kúnin merekeleý qurmetine «Men qazaqpyn» ánin keńinen nasıhattaý, jas urpaqty patrıottyqqa tárbıeleý, Qazaqstan halqynyń dostyǵy men birligi týraly úndeý.
Esterińizge salaıyq, QR Táýelsizdik kúnine arnalǵan «Men qazaqpyn» chellendjin pavlodarlyq oqýshylar bastaǵan bolatyn.
Buǵan deıin, Qazaqstan Prezıdenti Qasym-Jomart Toqaev «Men qazaqpyn» chellendjin qoldaǵan edi.
