Almatylyqtar meloman jaıaý júrginshilerdiń ómirin saqtap qalatyn qosymsha shyǵardy
Elimizde jaıaý júrginshilerdiń qatysýymen bolatyn jol apattary kóbeımese, azaımaı otyr. Máselen, Astanada jyl basynan 170-ten astam jol kólik oqıǵasy tirkelgen. Jol polıtsııasy qyzmetkerleriniń aıtýynsha, zardap shegýshilerdiń aıtarlyqtaı bóligi qulaqqap taqqan jastar. Qurylǵyny qulaǵynan sheshpeıtin olar, kóbine syrtqy dybysty estimeı, sońy qaıǵyly jaǵdaıǵa alyp keledi.
Astana qalalyq ІІD baspasóz qyzmetiniń jetekshisi Sofıa Qylyshbekovanyń aqparatynsha, jol apattarynyń 81-i jaıaý júrginshilerdiń kinásynan bolǵan.
«Jaıaý júrginshiler keı kezde qulaqtaryna taspa kıip alyp, jan-jaǵyna qaramaı, joldy kesip ótedi. Júzden astam jaıaý júrginshi dene jaraqatyn alǵan. Onyń ishinde 11-i ókinishke qaraı, kóz jumdy. Temirjol ótpelerinen baıqap ótý kerek. Óıtkeni avtokólikke qaraǵanda temirjol kóligi óte qaýipti, tez toqtaı almaıtyn qural dep sanalady», - dedi S.Qylyshbekova.
Qulaqqap taqqan melomandardy kóshede apattardan saqtaý maqsatynda almatylyq jas ónertapqyshtar «Safe and Sound» qosymshasyn oılap tapty. Nazarbaev Zııatkerlik mektebiniń oqýshylary Jáńgir Sıranov pen Jánibek Manabaev óz ınnovatsııalaryn jýyrda Astanada ótken Ulttyq robototehnıka Olımpıadasynda tanystyryp, júldeli orynnan kórindi. Olardyń aıtýynsha, álemde balamasy joq mobıldik baǵdarlama biraz adamnyń ómirin saqtap qalýy múmkin.
«Joba týraly ıdeıa qulaqqap taqqan qyzdy avtobýs qaǵyp ketkeni týraly jaǵa ustatarlyq vıdeony kórgennen keıin paıda boldy. Artynsha jol apatynyń aldyn alýǵa arnalǵan osyndaı qosymshany 3 aı ishinde oılap taptyq», - deıdi joba avtorlarynyń biri Jáńgir Sıranov.
Jáńgirdiń áriptesi Jánibektiń aıtýynsha, búginde mobıldik qosymsha jan-jaqty testilenip, jetildirilýde. Ol ártúrli klımattyq jaǵdaılarda synaqtan ótkizilmek.
Atap ótilgendeı, qosymshany ár qoldanýshy ózi paıdalanatyn qulaqqap baptaýlary boıynsha ornatýy kerek. Mobıldik qosymsha áýendi bar daýysynda tyńdap kele jatqan adamǵa ózine qaraı júıitkigen kólikti týraly birden belgi beredi. ıAǵnı «Seıf end saýnd» qosymshasy smartfonnyń dybys zoraıtqyshyn avtomatty túrde basyp tastaıdy.
Qosymsha aldaǵy 2-3 aıdyń kóleminde barshaǵa qoljetimdi bolady dep josparlanýda.