Almatylyqtar Elbasy atynan alǵys hattarmen marapattaldy
Olardyń qatarynda respýblıkalyq saılaýaldy shtabtyń quramyna kirgen almatylyqtar - qazaqstandyqtardyń súıispenshiligine bólengen mádenıet jáne óner qaıratkerleri Altynbek Qorazbaev, Maqpal Júnisova jáne Doshan Joljaqsynov, elimizdiń tanymal ǵalymdary men iri oqý oryndarynyń basshylary Takır Balyqbaev pen Kenjehan Matyjanov bar.
Qalalyq saılaýaldy shtab músheleriniń ishinde estrada ánshisi Roza Rymbaeva, Mádına Sádýaqasova, ǵylymı zııaly qaýym ókilderi Borıs Japarov pen Tilektes Espolov, sondaı-aq belgili sportshy Naıl Nurov bar.
Partııanyń almatylyq jaqtastary da nazardan tys qalǵan joq. Olar Asanáli Áshimov, Bıbigúl Tólegenova, Eskendir Hasanǵalıev, Aıagúl Mırazova, Nurjan Muhamedjanova jáne basqa da qaladaǵy saılaý naýqany kezinde aqparattyq qoldaý kórsetken mass-medıa, mádenıet jáne kásipkerlik salasynyń tanymal ókilderi.
Alǵys hatta Qazaqstannyń Tuńǵysh Prezıdenti partııanyń senimdi jeńisin qamtamasyz etýdegi úlesi men jumys nátıjelerin, sondaı-aq eldiń údemeli damýyn qamtamasyz etý jáne halyqtyń ál-aýqatyn arttyrý jónindegi odan ári tyǵyz jumys isteý qajettigin atap ótti.
Esterińizge salaıyq, saılaý naýqany barysynda partııanyń Almaty qalalyq fılıalynyń saılaýaldy baǵdarlamasyn megapolıs turǵyndaryna barlyq deńgeıdegi depýtattyqqa 78 kandıdat, 1700 senimdi tulǵa, qalalyq jáne 8 aýdandyq saılaýaldy shtab músheleri jáne sharttyq negizde jumys istegen 1000 belsendi túsindirdi.
Al qalalyq saılaýaldy shtabty basqarý mindeti qalanyń qoǵamdyq keńesiniń tóraǵasy Rahman Alshanovqa júkteldi.
«Almatynyń nurotandyqtary jańa saıası maýsymǵa tolyq daıyn. Búgingi tańda partııanyń qataryn bıýdjettik sala qyzmetkerleri men úkimettik emes uıymdar, kásipkerler, zeınetkerler, jastar men stýdentter quraıdy, olar megapolıstiń barlyq aýdandarynda bar. Onyń ishinde, nurotandyqtardyń eń kóp sany Áýezov jáne Bostandyq aýdandarynda, onda kásiporyndarda júzden astam bastaýysh partııa uıymdary qurylǵan. Partııanyń qoǵamdyq-saıası jáne áleýmettik-ekonomıkalyq baǵyty aldaǵy ýaqytta da kadrlyq jáne adamı áleýetin nyǵaıtýǵa múmkindik beredi. Óıtkeni, Almaty qalalyq fılıalynyń saılaýaldy baǵdarlamasy qalany keshendi damytýǵa baǵyttalǵan jáne álemniń úzdik megapolısteriniń qataryna kirýine yqpal etedi. Al almatylyqtardyń ál-aýqatyn arttyrý jáne olardyń problemalaryn sheshýge járdemdesý bizdiń partııamyzdyń eń mańyzdy mindeti bolyp qala beredi. Mysaly, ótken aıdy alsaq, jyl basynan beri qoǵamdyq qabyldaýlarǵa 200 ótinish kelip tústi, olardyń 44 oń sheshimin tapty. Al 66-y boıynsha túsiniktemeler men aýyzsha keńester berilip, tıisti jumystar júrgizilýde», - dep atap ótti «Nur Otan» partııasy Almaty qalalyq fılıaly tóraǵasynyń birinshi orynbasary Meıirjan Otynshıev.
