Almatylyqtar Denıs Tendi aqtyq saparǵa shyǵaryp salýǵa jınaldy
Búgingi sharaǵa jınalǵandar sany óte kóp. Olar tańǵy saǵat 7-00-den bastap Balýan Sholaq atyndaǵy stadıonǵa qaraı aǵylýda. Júzdegen adam Qazaqstannyń maqtanyshy Denıs Tenniń rýhyn ulyqtaýǵa gúl shoqtaryn ala kelgen.
Olımpıada júldegeri Denıs Tendi aqtyq saparǵa shyǵaryp salý rəsimi búgin saǵat 10.00-de bastalady. Onyń denesi Drýjba aýylyndaǵy zıratqa jerlenbek.
Aıta ketsek, Qazaqstandyq mánerlep syrǵanaýshy Denıs Ten 19 shilde kúni pyshaq jaraqatynan qaza bolǵan edi.
Oqıǵa Qurmanǵazy Baıseıitova kósheleriniń qıylysynda 19 shildede túski saǵat 15:00 shamasynda bolǵan.
Sportshy kóliginiń aınasyn urlamaq bolǵan eki adamnyń qylmysynyń ústinen túsken. Arada bastalǵan janjaldyń saldarynan urylar Denıs Tenge pyshaq suǵyp alǵan.
Ol oń jaq sanynyń joǵarǵy tusyna jaraqat alǵan 25 jastaǵy Ten úsh lıtr qan joǵaltyp, aýrýhanaǵa óte aýyr jaǵdaıda jetkizildi.
Almaty qalalyq Densaýlyq saqtaý basqarmasynyń basshysy Serikbol Mýsınov qosymsha qan qajet emestigin jáne resýrstar jetkilikti ekendigin málim etken bolatyn.
2,5 saǵatqa jalǵasqan reanımatsııalyq sharalarǵa qaramastan, aýrýhana dárigerleri onyń ómirine arasha túse almady.
Saǵat 17.30-da Olımpıada júldegeri qaıtys boldy.
Adam óltirý babymen qylmystyq is qozǵaldy.
Búgin belgili bolǵandaı, sportshynyń ólimine qatysy bar eki kúdiktiniń biri ustalyp, ol qylmysyn moıyndady.
Artynan Denıs Tenniń ólimi boıynsha kúdikti ekinshi adam Arman Qudaıbergenov te ustaldy.
