Almatylyqtar bıyl qajylyqqa bara ala ma – Bekshın jaýap berdi

ALMATY. QazAqparat - Almaty qalasy sanıtarııalyq-epıdemıologııalyq baqylaý departamentiniń basshysy Jandarbek Bekshın onlaın brıfıng barysynda elimizde salynyp jatqan úsh vaktsına da qajylyqqa barýǵa nelikten jaramaıdy degen suraqqa jaýap berdi, dep habarlaıdy QazAqparat tilshisi.

«Bul máseleni qazir Densaýlyq saqtaý mınıstrligi qarastyryp jatyr. Bul másele maýsym aıynda sheshilýi múmkin. Qazir Saýd Arabııasyna resmı túrde ótinish jiberildi. Qazaqstan Musylmandar dinı basqarmasy buǵan jaýap beretin bolady», - dedi Jandarbek Bekshın.

Buǵan deıin, Qazaqstan musylmandarynyń dinı basqarmasy Saýd Arabııasy Koroldiginiń densaýlyq saqtaý mınıstrligi 2021 jylǵy qajylyq maýsymyna daıyndyq sheńberindegi arnaıy talaptardy jarııalaǵanyn málim etken bolatyn.

Saýd Arabııasy bekitken vaktsınalardyń qatarynda Pfizer-BioNTech, AstraZeneca, Johnson&Johnson jáne Moderna bar. Sonymen qatar, onyń eki dozasyn qabyldaý talap etilgen.