Almatylyqtar Ata zańnyń 1995 jylǵy túpnusqa mátinimen tanysty

ALMATY. QazAqparat - Almatyda Prezıdent Arhıvi qyzmetkerleri Qazaqstan Ata zańynyń 1995 jyly 30 tamyzda qabyldanǵan negizgi túpnusqa mátinin kórsetti, dep habarlaıdy QazAqparat tilshisi.

Búgin Almatyda QR Prezıdentiniń Arhıvinde «Bolashaqqa qadam» taqyrybymen tarıhı-qujattamalyq kórme ótti. Onda 1995 jyly Ata zańnyń qabyldanýyna qatysty qujattar men hronıkalyq oqıǵalar tizimin baıandaıtyn sýretter men mańyzdy málimetter tanystyryldy. Kórmege kelýshiler Ata zań qabyldanǵan kezdegi Elbasy baıandamasy men Konstıtýtsııaǵa qatysty azamattar men qoǵamdyq uıymdardyń, memlekettik organdardyń usynystarymen tanysty.      

Eń basty qundy jádiger, árıne, Atań zańnyń 1995 jylǵy 30 tamyzda qabyldanǵan túpnusqasy boldy.

Aıta keteıik, QR Prezıdentiniń Arhıvinde ótken ǵasyr men búgingi zamannyń mańyzdy oqıǵalaryna qatysty 800 myńǵa jýyq qujat saqtalǵan.