Almatylyq oqýshy Garvard ýnıversıtetiniń bilim grantyna ıe boldy
Selimjan Chalyshkan - Nazarbaev Zııatkerlik mektepteriniń eń talantty oqýshylarynyń biri. Oqýshy bıologııadan Qazaqstan olımpıada komandasynyń quramyna kiredi. Selimjannyń qorjynynda - Tegerandaǵy International Biology Olympiad - 2018 saıysynyń qola medali, sondaı-aq respýblıkalyq altyn jáne qola medaldar bar. Ǵylymı jetistikterinen bólek ınnovatsııalyq jobalar jasaýdan tabysty tájirıbeleri kóp. 2017 jyldyń aıaǵynda Selimjan Chalyshkan Lıýbov Dýdchenkomen birge «Áleýmettik mańyzdy ınnovatsııalar» jobasymen respýblıkalyq NURINTECH respýblıkalyq jastar konkýrsynda birinshi orynǵa ıe boldy. Olardyń «Oqyp kör» atty ónertabysy mátinderdi Braıl qarpinde kamera arqyly kórsetetin qurylǵysy zaǵıp jandardyń aqparatqa qol jetkizýine múmkindik beredi. Selimjannyń nagradalarynyń tiziminde meıkaton jeńimpazynyń «TOM:ALMATY» jáne Kazrobotics - 2018-diń dıplomdary bar. Sonymen qatar, Nazarbaev Zııatkerlik mektebiniń oqýshysy volonterlikpen aınalysyp, «Qalanyń eko-batyry» shenine ıe bolǵan. ASU jasyl el qozǵalysyn qoldaǵany úshin halyqaralyq IT-startap Astana Hub tehnoparkiniń ashylýynda balalardyń oqý-robotototehnıkasynyń damýyna belsendi túrde qatysqan.
SAT Subject Tests halyqaralyq emtıhanynan joǵarǵy kórsetkishi men jetistigi - álemniń eń bedeldi oqý ornyna oqýǵa múmkindik berdi. Garvardttyń qabyldaý komıssııasynyń ókilderi úmitkerdiń «keshendi» bilim alý saıasatyn ustanady. Aıtalyq, ótken jyly Garvardtta oqýǵa nıet etken 43 000 úmitkerdiń tek 2000 ǵana synaqtan súrinbeı ótip, shaqyrtý alǵan.
Aıta ketý kerek, 2018 jyldyń sońynda Almaty fızıka-matematıka baǵytyndaǵy Nazarbaev mektebiniń oqýshysy Aqnazar Qajymurat ta Garvard ýnıversıtetine tegin oqýǵa shaqyrtý alǵan. Ol SAT Subject Tests halyqaralyq emtıhandarynda eń joǵarǵy - 36/36 jáne 2400/2400 upaı jınady.
Sondaı-aq Selimjan oqýǵa túsý talaptary eń joǵarǵy oqý oryndarynyń biri Abý-Dabıdegi Nıý-Iork ýnıversıtetiniń 100 paıyzdyq grantyna ıe boldy. Ǵylymı-zertteý ýnıversıtetine túsýge yntaly stýdentterdiń tek 3% -y ǵana óz armanyna qol jetkizedi. Munda álemniń túpkir-túpkirinen jınalǵan talapty balalar oqıdy. Naýryz aıynda ýnıversıtettiń shaqyrtýymen qazaqstandyq jas talant oqý ordasymen jáne onyń ujymymen tanysty.
- Qazirgi tańda oqıtyn ýnıversıtet pen mamandyǵymdy tańdaǵan joqpyn. Ata-anama jáne mektebime meni qoldap, sengenderi úshin úlken alǵysymdy bildiremin. Birinshi synyptan úzdik oqydym. Biraq NZM-de baǵa úshin emes, óziń úshin jáne bilim úshin oqý kerektigin túsindim, - dep aǵynan jaryldy Selimjan Chalyshkan.
