Almatylyq muǵalimder Fınlıandııa men Estonııada taǵylymdamadan ótedi

ALMATY. QazAqparat- Jańa oqý jyly ishinde 50 pedagog Fınlıandııa men Estonııanyń jetekshi mektepterinde taǵylymdamadan ótedi. Sonymen qatar 2023 jyldan bastap muǵalimderdi ınklıýzıvti bilim berý boıynsha oqytýdyń arnaıy baǵdarlamasy bastalady. Bul týraly Almatyda ótip jatqan ustazdar forýmynda aıtyldy, dep habarlaıdy QazAqparat tilshisi.

Qalalyq bilim basqarmasynyń aqparaty boıynsha, búginde barlyq memlekettik mektepterdi sharýashylyq júrgizý kásiporyndaryna kezeń-kezeńimen kóshirý júrgizilýde. Bıyl qalanyń 210 memlekettik mektebiniń 76-sy sharýashylyqty júrgizý túrine kóshedi. «Osy ózgeristerge baılanysty muǵalimderdiń biliktiligin arttyrýǵa erekshe kóńil bólinedi – pedagogterdiń oqytý formaty túbegeıli qaıta qaraldy, onyń aıasynda olar úshin halyqaralyq taǵylymdamany uıymdastyrý josparlanýda. Jańa oqý jyly ishinde 50 pedagog qyzmetker Fınlıandııa men Estonııanyń jetekshi mektepterinde taǵylymdamadan ótedi.

2023 jyldan bastap muǵalimderdi ınklıýzıvti bilim berý boıynsha oqytýdyń arnaıy baǵdarlamasy bastalady. Baǵdarlamaǵa kolledj oqytýshylary da qatysady»,- dep atap ótti basqarmadaǵylar. Pedagogıkalyq qyzmetkerlerdiń tamyz forýmy aıasynda qalanyń bilim berý júıesi jumysynyń 11 baǵyty boıynsha stend-kórme ótti.