Almatylyq áıel balasynyń saý kózine operatsııa jasady dep dárigerlerdi aıyptady
Bul týraly qazaqstandyq bloger Aıdyn Toqsanbaeva áleýmettik jelidegi paraqshasynda aıtty.
«Balammen birge Manas, 40 mekenjaıynda ornalasqan «Balalar shuǵyl medıtsınalyq ortalyǵyna» kvota arqyly kózine operatsııa jasatý úshin jattym. Onyń oń kózinde kısta bolǵan. Ol keıin túsip qaldy. Dárigerler túbinde tamyry qalyp ketti, sony alý kerek dedi. Kvotamen kelip otyrmyz. Keshe túnnen bastap eshteńe jegizbeı, ishkizbeı, tańerteń balany alyp ketti. Endi oń kózine jasalýy kerek bolǵany otany sol kózine jasap ákelip tur», – – deıdi Aıdyn Toqsanbaeva.
Almaty qalalyq densaýlyq saqtaý basqarmasynyń málimetinshe, 4 jastaǵy patsıent josparly túrde balalar shuǵyl medıtsınalyq ortalyǵynyń oftalmologııa bólimine jatqyzylǵan.
«Operatsııa bólmesinde narkoz salynyp, oń jaq qabaǵyna tekseris júrgizilgen. Onda ózdiginen túsken halıazıonnyń orny bolǵan, hırýrgııalyq aralasýdy qajet etpedi. Hattamaǵa sáıkes, sol jaq qabaǵyn tekserip, kishi kólemdegi halıazıon anyqtaldy. Jasalǵan anestezııany eskere kele halıazıondy alyp tastaý týraly sheshim qabyldandy. Solaı jasaldy», – dep túsindirdi basqarmadan.
Qazirgi ýaqytta balanyń jaǵdaıy birqalypty. Em qabyldaý oftalmologııa bólimi jaǵdaıynda jalǵasady.