Almatylyq atqyshtyń kúzetshini nelikten atqany belgili boldy
«Búgin kúndiz «Buqar jyraý Taýers» turǵyn úı kesheni kúzetshisin buzaqylyq nıetpen atqan jáne úıdegi páterlerdiń birine jasyrynǵan kúdiktini ustaýǵa baǵyttalǵan arnaýly operatsııa aıaqtaldy. Kúdiktiniń kim ekeni anyqtaldy. Uzaq ýaqyt boıy onymen kelissóz júrgizildi. Ol óziniń páterine jasyrynǵan. Kelissóz protsesine qalanyń polıtsııa, prokýratýra organdarynyń qyzmetkerleri jáne onyń tanystary qatysty», - dedi oqıǵa ornynda BAQ ókilderine brıfıng ótkizgen Almaty qalalyq polıtsııa departamenti bastyǵynyń orynbasary Rústem Ábdirahmanov.
Onyń atap ótýinshe, kelissóz barysynda kúdikti baspaldaq alańyna qarata shamamen 30 márte oq atqan. Abyroı bolǵanda polıtsııa qyzmetkerleri zardap shekken joq.
Eske sala keteıik, búgin Almatyda turǵyn úı kesheniniń kúzetshisi ańshylyqqa arnalǵan myltyqtan jaraqat alǵan bolatyn.
Polıtsııa departamentiniń málimetinshe, kúzetshi men belgisiz er adamnyń arasynda týyndaǵan janjal saldarynan kúzetshiniń aıaǵy ańshylyq myltyqtan jaralanǵan.
Kúzetshi aýrýhanada jatyr.
Polıtsııa turǵyn úıdegi páterge tyǵylǵan atqyshpen kelissóz júrgizgen bolatyn.
Qarýly adam kelissózden bas tartty. Oǵan qosa, ol baspaldaq alańyna qaraı 10-nan astam oq atqan.
Keıinnen kúdikti terezeden sekirip ketti. Ol oqıǵa ornynda kóz jumdy.
