Almatylyq alaıaq ınternet arqyly Nur-Sultanda joq páterlerdi jalǵa bergen
Sharanyń birinshi kúni krımınaldy polıtsııa qyzmetkerleri 14 kıberqylmysty ashyp, 5 adamdy qamaýǵa alǵan.
Mysaly, Almaty turǵyny úıinde otyryp, bir aı kóleminde Nur-Sultandaǵy páterlerdi ınternet arqyly jalǵa berip otyrǵan. Jalǵan habarlandyrýǵa 25 elordalyq aldanyp qalǵan. Senip qalǵan astanalyqtar onyń ótinishi boıynsha elektrondy ámııanǵa kepil aqsha salyp, odan keıin ǵana páterdi kórýge barǵan. Aldanǵanyn keıin baryp bilgen.
Barlyq faketiler boıynsha QR QK-niń 190-baby (alaıaqtyq) boıynsha qylmystyq is qozǵaldy. Kúdikti 400 000 teńgeni qolma-qol aqshaǵa aınaldyryp, somany óz keregine jumsaǵan.
Odan bólek, elordalyq polıtsııa Ákimdik jáne eriktilermen birge aldyn alý sharalaryn ótkizýde. Adam kóp jerlerde ınternet-alaıaqtyqtyń aldyn alý boıynsha aqparattyq-túsindirý materıaldaryn taratý aktsııalary ótýde. LED-ekrandarda kıberalaıaqtyq ádisteriniń eń jıi qoldanylatyn túrlerin túsindiretin rolıkter kórsetiledi.
Elordalyq polıtsııa merekeler qarsańynda onlaın satyp alý nemese taýarlarǵa tapsyrys berý kezinde muqııat bolýǵa shaqyrady. Alaıaqtardyń quryǵyna túsip qalmas úshin ne isteý kerek:
- taýardyń bar ekenine kóz jetkizý, onyń sapasyna senimdi bolý, sonymen qatar ınternet-dúken týraly pikirlerdi bilý, satýshydan taýardy beıneqońyraý arqyly kórsetýin suraýǵa bolady.
- jeke málimetter men bank kartalarynyń derekterin saqtap otyrý, olardy eshkimge habarlamaý, tipti bank qyzmetkerlerine de habarlamaý kerek, sebebi olar jeke qońyraý shalyp, derekter jınaýmen aınalyspaıdy.
- eger sizdi qandaı bir jobaǵa aqsha quıýǵa shaqyryp, kirisińizdi arttyrýǵa ýáde berse, abaı bolyńyz. Mundaı aktsııalar alaıaqtyq bolýy ábden múmkin. Aqparatty resmı saıttardan tekserip otyryńyz. Tabysyńyzdy arttyrýǵa ýábe beretin jalǵan brokerlerden saqtanyńyz.
