Almatylyq 75 myń kásipker salyq jeńildikterin paıdalandy
Karantın jáne koronavırýstyq epıdemıologııalyq jaǵdaıdyń órshýi kezinde birqatar kásipkerler qıyndyqqa ushyrap, shyǵynǵa batty. Osyǵan baılanysty, Almatyda pandemııa kezinde shaǵyn jáne orta bızneske qoldaý kórsetý sharalary qabyldandy - salyq, jaldaý aqysy men nesıelik tólemder keıinge qaldyrý, qarjylyq qoldaý kórsetý, paıyzdyq mólsherleme tómendetý jáne óndiris alańdary berý syndy sharalar áli de jalǵasýda.
Barlyǵy 74,769 shaǵyn jáne orta bıznes sýbektileri 23,5 mlrd.teńge mólsherindegi salyqtyq jeńildikterdi paıdalanǵan, onyń ishinde:
- eńbekaqy qorynan alynatyn salyq boıynsha - 14 myń teńgege 24 myń sýbekt (6 aıda - 21,6 myń shaǵyn jáne orta kásipkerlik (ShOB), 3 aıda - 2,4 myń iri kásipkerlik sýbektileri);
- jeke tabys salyǵy men áleýmettik salyq boıynsha - 8 mlrd teńgege 50 myń ShOB (3 jylǵa mıkro jáne shaǵyn bıznes);
- múlik salyǵy - 769 sýbekt (692 - ShOB, 77 - iri kásipkerlik) 1,5 mlrd teńge.
Nesıeler boıynsha keıinge qaldyrýlar 127,3 mlrd teńgege 360 myń nesıege berildi, onyń ishinde ShOB - 7294 teńgege 2 889 nesıege:
- 16 naýryz ben 15 maýsym aralyǵynda - 408 mlrd teńgege 1 588;
-16 maýsym men 24 tamyz aralyǵynda - 321 teńge somasyna 1301.
Úı-jaılardy jalǵa alý tóleminen bosatý 1,6 myń kásipkerge 376 mln teńge somasyna berildi.
«Bir ortalyq» qaǵıdaty negizinde keń aýqymdy konsýltatsııalyq qyzmetter kórsetetin Qoldaý kásipkerlik ortalyǵy jumysyn jalǵastyrýda. Barlyǵy 2019 jyldyń qyrkúıeginen bastap 2021 jyldyń aqpanyna deıin myna qyzmetter tegin usynyldy:
- 100 myńnan astam keńes berý qyzmeti;
- quny 42 mıllıard teńgeden asatyn 75 bıznes-jobany qarjylandyrýǵa qoldaý kórsetildi;
- 500-ge jýyq bıznes-jospar quryldy;
- 606 ruqsat alý qujattaryn alýǵa qoldaý kórsetildi.
8 myńnan astam stýdent kásipkerlik negizderine jáne Qoldaý start jáne Qoldaý júıelik baǵdarlamalary boıynsha salalyq kýrstarǵa oqytyldy.
Qarjylyq emes qoldaý sheńberinde almatylyq kásipkerlerdi, ózin-ózi jumyspen qamtyǵan azamattardy jáne óz isterimen aınalysýdy josparlap otyrǵan jastardy aqparattyq qoldaý úshin qurylǵan «Almaty Business» tegin bilim berý platformasy ázirlendi jáne iske qosyldy. Bul platformada 110 myńnan astam adam tirkelgen.
2021 jyly 4 baǵyt boıynsha qosymsha sharalar kesheni qalyptasty: bızneske júktemeni azaıtý, qarjylandyrýǵa, suranysqa ıe naryqtarǵa jáne joǵary sapaly adam resýrstaryna qol jetimdilikti keńeıtý. Memlekettik qoldaý sharalary aıasynda «Eńbek» baǵdarlamasy sheńberinde kásipkerler jyldyq 6% -ben 22 mln teńgege deıin jeńildetilgen nesıe ala alady.
«Almaty Business» óńirlik baǵdarlamasyna sáıkes, Almatyda tirkelgen jáne jumys isteıtin shaǵyn jáne orta bıznes kásipkerleri jyldyq nomınaldy syıaqy mólsherlemesimen nesıe ala alady.
Sonymen qatar, «Almaty Business-2025» keshendi baǵdarlamasy sheńberindegi daǵdarysqa qarsy sharalar sheńberinde syıaqy mólsherlemesi jyldyq 7% -dan 6% -ǵa deıin tómendetildi, eń joǵarǵy soma 300 mln teńgeden 500 mln teńgege deıin ulǵaıtyldy.