Almatydaǵy Jazýshylar úıi kúrdeli jóndeýden ótedi

ALMATY. QazAqparat – Bıyl Qazaqstan Jazýshylar odaǵynyń qurylǵanyna 85 jyl. Osy aıtýly merekege oraı Almatydaǵy Jazýshylar úıi kúrdeli jóndeýden ótedi. Bul týraly Baqytjan Saǵyntaev óziniń instagram-ǵy paraqshasynda jazdy, dep habarlaıdy QazAqparat tilshisi.

«Qalanyń Jazýshylar odaǵynyń múshelerimen — prozashylar, aqyndarmen kezdestim»,-dep jazdy qala basshysy.

«Mádenıet pen til, ulttyń rýhanı damý turǵysyna qatysty keleli áńgime boldy. Bıyl Jazýshylar odaǵyna 85 jyl tolady. Osyǵan oraı qala ákimdigi ulttyq ádebıet pen shyǵarmashylyqtyń tarıhı ári rýhanı sımvoly sanalatyn Jazýshylar úıine júrgiziletin jóndeý jumystaryn óz moınyna aldy. Jyl saıyn ádebı-janrlyq konkýrstar ótkizýdi bastaımyz. Bul rette eń úzdik shyǵarmalardy odaq músheleri — jazýshylar men aqyndar ózderi tańdaıdy. Qalamyzdyń shyǵarmashylyq qoǵamdastyǵyn odan ári qoldap, qoldaý kórsetetin bolamyz»,- dep atap ótedi Baqytjan Saǵyntaev.