Almatydaǵy tártipsizdik kezinde lańkester arasynda snaıper boldy - PD bastyǵy

NUR-SULTAN. QazAqparat – Almatydaǵy tártipsizdik kezinde lańkester arasynda snaıper boldy. Bul týraly búgin Ortalyq kommýnıkatsııalar qyzmetinde Almaty qalalyq Polıtsııa departamentiniń bastyǵy Qanat Taımerdenov málim etti, dep habarlaıdy QazAqparat tilshisi.

«Lańkesterdiń arasynda Polıtsııa departamentiniń ǵımaratynyń janynda kópqabatty úıdiń tóbesinde ǵımartqa oq atqan snaıper de boldy. Ǵımartqa oq atyldy, janatyn untaǵy bar bótelkeler laqtyryldy», - dedi Qanat Taımerdenov.

Onyń aıtýynsha, Polıtsııa departamentiniń ǵımaratyn basyp alýǵa lańkester 27 ret áreket jasady.

Budan buryn habarlanǵandaı, 5 qańtar kúni tańerteń Almatyda qala ortalyǵyna bir mezgilde 20 myń adam jınaldy.

Odan keıin Respýblıka alańyna jınalǵan myńdaǵan shabýylshylar ákimdik ǵımaratyn basyp alýǵa taǵy da árekettengen.

Polıtsııa departamentiniń basshysy Almatyda lańkester 1347 qarý urlaǵanyn aıtty.