Almatydaǵy tarıhı nysandardyń jobalaýǵa qatysty kitap jaryq kórdi

ALMATY. QazAqparat - Almatyda Ortalyq memlekettik ǵylymı-tehnıkalyq qujattama arhıvi «Izıstorıı proektırovanııa sportıvnyh soorýjenıı g. Alma-Aty (1950–1980-e gg.)»qujattar men materıaldardyń jańa jınaǵynyń tusaýkeserin jasady. Bul týraly QazAqparat Mádenıet mınıstrligine silteme jasap habarlaıdy.

Ulttyq kitaphanada ótken alqaly jıynǵa Almaty qalasy Mádenıet basqarmasynyń basshysy Ǵanı Maılıbaev, QR Mádenıet jáne sport mınıstrligine qarasty Ortalyq memlekettik ǵylymı-tehnıkalyq qujattama arhıviniń dırektory Baıan Jumataeva, Ulttyq kitaphana dırektory Baqytjamal Ospanova, «Polıgon – 29 tamyz» qory keńesiniń tóraǵasy, Semeı óńiri boıynsha QR Vedomstvoaralyq úkimettik komıssııasynyń múshesi Nurlan Boztaev, rejısser, óner tarıhy ǵylym magıstri Janana Kýrmasheva, Qaraǵandy oblysynyń ǵylymı-tehnıkalyq qujattama jónindegi memlekettik arhıvi KMM basshysy Temirǵalı Arshabekov, sonymen qatar tarıhshylar men ǵalymdar, arhıv mamandary qatysty.

«Arhıv qujattary negizinde daıyndalǵan jınaqqa «Medeý» bıik taýly sport kesheni, Balýan Sholaq atyndaǵy sport jáne mádenıet saraıy, Almaty qalasynyń Ortalyq stadıony, Dınamo stadıony, Ortalyq basseın, Shymbulaq taý shańǵysy kesheni, Almataý týrıstik bazasy, sondaı-aq respýblıkanyń bilim berý mekemeleriniń birqatar sporttyq nysandary boıynsha jobalaý qujattary engizilgen.Jınaqta barlyǵy 107 qujat jaryq kórgen, onyń 27-si grafıkalyq. Barlyq qujattar birinshi ret jarııalanyp otyr», - dedi Ortalyq memlekettik ǵylymı-tehnıkalyq qujattama arhıviniń dırektory Baıan Jumataeva.

Basqosý aıasynda is-sharaǵa qatysýshylardyń nazaryna arhıv qorynan alynǵan arhıv qujattarynyń negizinde daıyndalǵan kórmesi, sondaı-aq, taqyryp boıynsha kitaptar, jýrnaldar men gazetterdiń basylymdary usynyldy.