Almatydaǵy «Shuǵyla» kınoteatry qaıta qalpyna keltiriledi

ALMATY. QazAqparat– Almatyda kóp jyldan beri bos turǵan «Shuǵyla» kınoteatry aldaǵy ýaqytta halyq ıgiligi úshin jumys isteıtin bolady. Bul týraly qala ákiminiń Túrksib aýdanynyń turǵyndarymen kezdesýinde belgili boldy, dep habarlaıdy QazAqparat tilshisi.

Túrksib aýdanynyń turǵyny shahar basshysynan 10 jyldan astam ýaqyt bos turǵan «Shuǵyla» kınoteary týraly surady.

«Biz atalǵan kınoteatrdyń janynda turamyz. Bul nysan 10 jyldan astam ýaqyt jumys istemeıdi. Aldaǵy ýaqytta «Shuǵyla» kınoteatry qaıta qalpyna kele me?» deıdi turǵyn.

Bul saýalǵa aýdan ákimi Baqytjan Aqjarov jaýap berdi.

«Shuǵyla» kınoteatryn jeke ınvestor satyp alǵan bolatyn. Jańa ıesimen kezdestim. Ol kınoteatrdy jóndep, qalpyna keltirmekshi. Sonymen qatar, ǵımarat ıesi kórme ortalyǵyn ashqysy keledi. Jalpy, mádenıet kesheni bolmaq», - dedi aýdan ákimi Baqytjan Aqjarov.