Almatydaǵy saq qorǵandary men Pıramıdalar arasynda uqsastyq tabyldy
«Boraldaı qorymdary - bul asa mańyzdy tarıhı eskertkish. Ol týraly osy ýaqytqa deıin eshkim bilmedi. Bizdiń ortalyq osyndaı kıeli jerlerdi, tarıhı oryndardy nasıhattap, týrısterdi tartýmen aınalysyp keledi. Qazir marketologtar kıeli oryndardyń tanymaldylyǵyn arttyrý jumystaryn júrgizip jatyr», - dedi Týrıstik aqparat ortalyǵynyń dırektory Ásel Núrkebaeva.
Qazirgi tańda qorǵandardy qalpyna keltirý jumystary júrgizilýde.
Mamandardyń paıymynsha, saq qorǵandary Pıramıdalar alqabynyń analogyna aınala alady.
Arheolog mamandar atalǵan tarıhı eskertkishti ıÝNESKO-nyń Búkilálemdik muralar tizimine engizý úshin baryn salýda.
Saq qorǵandaryn qaıta qalpyna keltirý Ońtústik Koreıadaǵy Tumuli Park (qorymdar parki) kontseptsııasy boıynsha júzege asady.
«Aıta ketý kerek, qorǵandardyń qurylysy kúrdeli jáne Mysyrdaǵy pıramıdalardyń turǵyzylýymen uqsas. Birinshiden, tereń or qazylǵan. Qorǵannyń keńdigi adamnyń mártebesine baılanysty bolǵan. Aldymen aǵash tóselip, keıin adamnyń múrdesi qoıylǵan. Topyraq salynǵan soń 7, 40, 100 kún ótkende taǵy da topyraq qabaty tóseledi. 1 jyldan soń múlde taspen bekitken. Sondyqtan, olar osy ýaqytqa deıin saqtalǵan», - dedi Ǵylymı eksperımentaldy arheologııa ortalyǵynyń dırektory Rýslan Sherbaev.
Bizdiń dáýirimizge deıingi VIII-III ǵasyrlarǵa jatatyn Saq qorymynda 47 qorǵan bar. Onyń 20-sy iri qorymdarǵa jatady. Munda saq pen úısin taıpasynyń aqsúıekteri jerlengen. Dıametri 80-159 m bolatyn, al bıiktigi 10-14 metr bolatyn qorǵandarda aqsúıekter tuqymy túgel jerlenetin bolǵan.
Jaqyn arada saq qorǵandarynda aspan astyndaǵy mýzeı ashylady.
Aıta ketý kerek, ǵalymdar Boraldaıda arheologııalyq qazba jumystaryn júrgizip jatqan joq. Parktiń jartysy geomagnıttik skanerleý arqyly zertteldi. Bul tásil arqyly topyraq astyndaǵy zattardy anyq kórýge bolady. 2015 jylǵy zertteýler barysynda munda zırattardan bólek, eski qalalardyń orny da tabylǵan.
Arheologtardyń aıtýynsha, taspen qorshalǵan saq qorymdary eskilikte ǵıbadathana qyzmetin atqarǵan.
Osyǵan uqsas dúnıelerdi Anglııadaǵy Stoýhendjden kórýge bolady. Qorǵandardyń ornalasýy jaǵynan eki mádenıet biri-birine uqsaıdy.
«Qorǵandardyń qurylysy juldyzdarmen baılanysty. «Medeý» muz aıdyny mańynda qazba jumystary kezinde saq ǵıbadathanasy tabylǵan. Sol jerde buǵyny jep jatqan eki qasqyr men eki qarǵanyń beınesi tabyldy. Ǵylymı izdenisterdiń nátıjesinde sol zamanda osyndaı shoqjuldyzdar bolǵany belgili boldy», - dedi Ǵylymı eksperımentaldy arheologııa ortalyǵynyń dırektory Rýslan Şerbaev.
Keńes dáýirinde qabirlerdiń soltústik jaǵy kirpish zaýyty qurylysy kezinde biraz qıraǵan.1960 jylǵa deıin almatylyqtar saq qorǵandary týraly bilmegen. 70- jyldary bul jerge egin salyndy.
2006 jyly qala bıligi saq qorǵandaryn Almaty qalasy tarıhy mýzeıine berip, kúzet qoıdy.Kıeli oryndardy tazalaýǵa qazir qala turǵyndarynyń da yntasy artyp barady. Turǵyndar munda jıi senbilik ótkizip turady.
