Almatydaǵy bombadan qorǵanatyn oryndar qalpyna keltirilmek

ALMATY. QazAqparat – Almatyda barlyq tarıhı qundylyqtardy retke keltirýge arnalǵan jańa baǵdarlama ázirlenedi. Bul týraly qala ákimi Erbolat Dosaev málim etti, dep habarlaıdy QazAqparat tilshisi.

«Almaly aýdany – qalanyń tarıhı ortalyǵy. Bombadan qorǵanatyn jerler bolǵan. Barlyq órkenıetti elderdegideı osy jerlerdi qalpyna keltirý baǵdarlamasyn qarastyryp, bastama kóterýge bola ma?» - dep surady Almaty qalasynyń turǵyny ákimmen kezdesýde.

Qala ákiminiń aıtýynsha, barlyq tarıhı qundylyqtardy retke keltirýge arnalǵan jańa baǵdarlama ázirlenedi.

«Barlyq tarıhı qundylyqtarymyzdy retke keltirý úshin jeke baǵdarlama ázirlenetin bolady. Jumys bastaldy. Memleket basshysy osyndaı tapsyrma berdi. Bul tek osy geosaıası oqıǵalarǵa baılanysty emes, oǵan tótenshe jaǵdaı da kiredi. Biz seısmıkalyq belsendi aımaqta turmyz, sondyqtan qala tótenshe jaǵdaıǵa daıyn bolýy kerek. Jeke baǵdarlama bolady, aldaǵy úsh jylda biz ony qajetti standarttarǵa jetkizýge tyrysamyz», - dep jaýap berdi ákim.

Ákim bul baǵdarlamanyń tótenshe jaǵdaılar departamentimen birlese ázirlenip jatqanyn atap ótti.

«Shynymdy aıtsam, buǵan deıin bombadan qorǵanatyn oryndarǵa kóp qarjy bólinbeıtin. Tek qoldaý úshin azyn-aýlaq aqsha beriletin. Eshqashan jóndeý, qaıta jabdyqtaý kórmegen. Biz qaıta qaraýdy bastaımyz, biraq ol qymbatqa túsedi. Biraq, bul – qala úshin mańyzdy», - dedi ákim.