Almatydaǵy atys: Jaraqat alǵan kúzetshiniń jaǵdaıy belgili boldy

ALMATY. QazAqparat – «Buqar jyraý» turǵyn úı kesheni kúzetshisiniń jaǵdaıy turaqty, dep habarlady QazAqparat tilshisi.

Basqarma málimetine súıensek, jaraqat alǵan er adamǵa tıisti kómek kórsetilýde.

«Qazirgi ýaqytta naýqastyń jaǵdaıy turaqty, barlyq qajetti sımptomatıkalyq terapııany alady», - dep habarlady Almaty qalasy Qoǵamdyq densaýlyq saqtaý basqarmasynan.

Eske sala keteıik, 24 sáýir kúni Almatyda turǵyn úı kesheniniń kúzetshisi ańshylyqqa arnalǵan myltyqtan jaraqat alǵan bolatyn.

Polıtsııa departamentiniń málimetinshe, kúzetshi men belgisiz er adamnyń arasynda týyndaǵan janjal saldarynan kúzetshiniń aıaǵy ańshylyq myltyqtan jaralanǵan.

Ol aýrýhanada jatyr.

Polıtsııa turǵyn úıdegi páterge tyǵylǵan atqyshpen kelissóz júrgizgen.

Qarýly adam kelissózden bas tartty. Oǵan qosa, ol baspaldaq alańyna qaraı 10-nan astam oq atqan.

Keıinnen kúdikti terezeden sekirip ketti.

Ol oqıǵa ornynda kóz jumdy.

Kúdiktini ustaý operatsııasynda atys qarýy qoldanylǵan joq.

Tergeý barysynda kúdikti Reseı Federatsııasynyń azamaty ekeni anyqtalady.