Almatydaǵy atys: Polıtsııa atqyshpen kelissóz júrgizip jatyr

ALMATY. QazAqparat - Almaty polıtsııasy «Buqar Jyraý Taýers» turǵyn úı keshenindegi atqyshpen kelissóz júrgizip jatyr, dep habarlaıdy QazAqparat.

Qalalyq polıtsııa departamentiniń málimetinshe, qazirgi ýaqyta turǵyn úıdegi páterge tyǵylǵan atqyshpen kelissóz júrip jatyr. Qarýly adam kelissózden bas tartty. Oǵan qosa, ol baspaldaq alańyna qaraı 10-nan astam oq atqan.

Qaýipsizdikti qamtamasyz etý maqsatynda atalǵan úıdiń turǵyndary evakýatsııalandy.

«Polıtsııa azamattardy tynyshtyqqa shaqyrady. Jábirlenýshi reanımatsııada, onyń ómirine qaýip joq» dep habarlaıdy qalalyq polıtsııa departamentiniń baspasóz qyzmeti.

Qylmyskerdi ustaý jáne zalalsyzdandyrý boıynsha arnaıy operatsııa jalǵasyp jatyr.

Eske sala keteıik, búgin Almatyda turǵyn úı kesheniniń kúzetshisi ańshylyqqa arnalǵan myltyqtan jaraqat alǵan bolatyn.

Polıtsııa departamentiniń málimetinshe, kúzetshi men belgisiz er adamnyń arasynda týyndaǵan janjal saldarynan kúzetshiniń aıaǵy ańshylyq myltyqtan jaralanǵan. Ol aýrýhanada jatyr.