Almatydaǵy atys: Qaza tapqan polıtseılerdiń otbasylaryna páter berildi
Kezdesý barysynda qala ákimi taǵy da kóńil aıtyp, polıtseılerdiń jesirlerine páter kiltin tabys etti. Polıtsııa kapıtany Nurbol Baıǵazıev ishki ister organdarynda 2014 jyldyń qyrkúıeginen bastap qyzmet etti.
2021 jyldyń 28 shildesinen bastap Alataý aýdandyq polıtsııa basqarmasy janyndaǵy polıtsııa bóliminiń ýchaskelik polıtsııa ınspektory qyzmetin atqardy. Onyń artynda 5 jáne 7 jastaǵy eki balasy qaldy. Polıtsııa maıory Darhan Súleev ishki ister organdarynda 2003 jyldyń qańtarynan bastap qyzmet etti.
2021 jyldyń 20 tamyzynan bastap Alataý aýdandyq polıtsııa basqarmasy janyndaǵy polıtsııa bóliminiń ýchaskelik polıtsııa ınspektory qyzmetin atqardy. Onyń artynda kámeletke tolmaǵan bes balasy qaldy, olardyń eń kishisi – 4, úlkeni – 16 jasta. Baıǵazıevtiń otbasy sııaqty onyń da jeke turǵyn úıi bolǵan joq.
Buǵan deıin Baqytjan Saǵyntaev olardyń otbasyna tıisti kómek kórsetiletini týraly aıtqan bolatyn. Keıinirek Jeke sot oryndaýshylarynyń palatasy oqıǵaǵa qatysty túsinikteme berdi. Almaty qalalyq soty birneshe adam ólimine kináli turǵynnyń daýly isine qatysty túsinikteme berdi. «Bank TsentrKredıt» AQ is boıynsha barlyq qajetti qujatty usynatyndaryn jáne zardap shekkenderdiń týystaryna jan-jaqty kómek kórsetetinderin jetkizdi. Aıta keteıik, 20 qyrkúıek kúni Almatyda atys bolyp, 5 adam qaza tapty. Atalǵan jaǵdaı boıynsha sotqa deıingi tergeý amaldary bastaldy. Kináli adam 20 jylǵa deıin nemese ómir boıyna bas bostandyǵynan aıyrylýy múmkin.
