Almatyda jyl basynan beri 132 myń adam áleýmettik kómek aldy

ALMATY. QazAqparat – Bıyl halyqtyń osal toptaryn áleýmettik qoldaýǵa 30 mlrd-tan astam teńge bólindi, onyń 14 mlrd teńgesi jumsaldy.

Mundaı málimetti Almaty qalalyq áleýmettik ál-aýqat basqarmasynyń basshysy Nazıra Toǵyzbaeva onlaın brıfıng barysynda aıtty, dep habarlaıdy QazAqparat tilshisi.

Onyń sózinshe, jyl basynan beri 132 myń almatylyq áleýmettik qoldaý alǵan. Kómek «Eńbek» memlekettik baǵdarlamasy aıasynda kórsetildi. Az qamtylǵan azamattar, múgedekter atalǵan qoldaýǵa ıe boldy.

Sonymen qatar, ol «Eńbek» baǵdarlamasy aıasynda jyl sońyna deıin 13,8 mlrd teńge bólingenin, bul qarajat 24 myńnan astam adamǵa kómektesetinin aıtty.

«Osy jyldyń 7 aıynda Jumyspen qamtý ortalyǵyna 27 myń adam júgingen. 19 700 adam jumyspen qamtýdy qamtamasyz etý boıynsha belsendi sharalarǵa tartyldy, 17 900 adam jumysqa ornalastyryldy. Turaqty jumyspen qamtylǵandardyń ishinde megapolıstiń 8 700 turǵyny bar, taǵy 9 200 adam ýaqytsha jumyspen qamtyldy, 1 100 adam qazir áleýmettik jumys oryndarynda jumys isteıdi, 1 500 úmitker jastar praktıkasyna jiberildi. Bilim berý uıymdarynyń taǵy 800 túlegin jumysqa ornalastyrý josparlanýda. 6 600 adam qoǵamdyq jumystarǵa jiberildi», - dedi spıker.