Almatyda jyl basynan 712 mlrd teńgeniń ónerkásiptik ónimi shyǵaryldy

ALMATY. QazAqparat – Almatyda jyl basynan beri 712 mlrd teńgeniń ónerkásiptik ónimi shyǵaryldy. Bul týraly onlaın brıfıng barysynda Kalalyq kásipkerlik jáne ınvestıtsııalar basqarmasynyń basshysy Erkebulan Orazalın málim etti, dep habarlaıdy QazAqparat tilshisi.

Onyń aıtýynsha, qańtar aıynan bastap qalada 4 joba júzege asyryldy. Jyl sońyna deıin 10 jobany iske qosý josparda, onyń 8-i ındýstrııalyq aımaqta bolady.

«Bıyl qurylys salasy pandemııaǵa qaramastan óz jumysyn toqtatpaı qarqyndy túrde jumys istegen. Sonymen qatar óndiris salasy 9 aıda 712,3 mlrd teńgeniń ónimin shyǵarǵan. Ósim - 3,2%. Onyń ishinde farmatsııa men avtokólik quraý salasy qarqyndy ósken. Farmatsııanyń kórsetkishi 158%-ǵa deıin ulǵaıǵan. Saýda salasynyń kórsetkishi kóktemnen beri tómendegenimen qazir qaıta kúsh alyp keledi», - deıdi Erkebulan Orazalın.

«Bıznesti damytý» baǵdarlamasyna bıyl 7,89 mlrd teńge qarastyrylǵan bolsa, onyń 6 mlrd-qa jýyǵy naqty jobalarǵa baǵyttalyp, óz ıelerin tapqan.