Almatyda joq páterdi jalǵa berip kelgen alaıaq ustaldy
Almaty qalasy PD Krımınaldyq polıtsııa basqarmasynyń bastyǵy Qýatbek Naýatovtyń málimetinshe, 48 jastaǵy er adam 9 azamatty aldap úlgergen.
«A. esimdi azamat Almatyda joq páterlerdi jalǵa bergen. Alaıaqtyq faktisi týraly shahardyń birneshe turǵyny polıtsııaǵa habarlasqannan keıin belgili boldy. Barlyǵynyń oqıǵasy birdeı. Páter jaldaýǵa tyrysqan olar tanymal ınternet-servısten habarlandyrýlardy izdep taýyp, naryqtaǵy baǵadan tómen baǵa usynǵan adamǵa telefon soǵady. «Úı ıesi» klıentterdiń kóptigin alǵa tartyp, páterdi birinshi bolyp aqsha tólegen adamǵa beretinin aıtyp aldap soqqan. Kúdikti aqshany alǵannan keıin birden baılanysqa shyǵýyn toqtatyp, uıaly telefon nómirin aýystyryp otyrǵan», – deıdi Almaty qalalyq PD Krımınaldyq polıtsııa basqarmasynyń bastyǵy Qýatbek Naýatov.
Onyń aıtýynsha, Almaly aýdandyq polıtsııa basqarmasynda alaıaqtyq deregi boıynsha qylmystyq is tirkeldi. Іs júrgizý barysynda onyń osyǵan uqsas 9 epızodqa qatysy bar ekendigi anyqtaldy. Keltirilgen shyǵynnyń jalpy somasy 530 myń teńge.
«Kúdikti ýaqytsha ustaý ızolıatoryna qamaldy. Qosymsha tergeý júrgizilýde», – dedi Qýatbek Naýatov.
Buǵan deıin Qazaqstan rıeltorlar qaýymdastyǵynyń mamany páter jaldaǵanda alaıaqtarǵa urynbaýdyń birneshe joly bar ekenin aıtqan bolatyn .
