Almatyda jańa bosanǵan áıel perzenthana tamaǵyna shaǵymdandy

ALMATY. QazAqparat – Almatylyq kelinshek qaladaǵy №1 perzenthanada júkti jáne bosanatyn áıelderge beriletin tamaqqa shaǵymdandy, dep habarlaıdy QazAqparat tilshisi.

Áleýmettik jelide jańa bosanǵan anaǵa arnalǵan tamaqtyń vıdeosy tarady.

Beınejazbadan ydystaǵy tamaq mólsheri óte az ekenin kórýge bolady. Mundaı tamaq №1 perzenthanada beriletini aıtyldy.

«Beretin tamaqtyń mólsheri az ári artyq bermeıdi. Kórsetiletin qyzmet boıynsha másele joq, bári jaqsy», - delingen vıdeodaǵy jazbada.

Almaty qalalyq qoǵamdyq densaýlyq saqtaý basqarmasy atalǵan jaǵdaıǵa qatysty túsinik berdi.

«Júkti jáne bosanǵan áıelderge arnalǵan perzenthanada tamaq «tamaqtanýdyń tabıǵı normalaryna» sáıkes beriledi. Sonyń ishinde №15 dıetalyq kestege sáıkes júrgiziledi. As máziri kún saıyn bekitiledi. Dıetolog únemi qadaǵalap otyrady. Patsıentterden basqarmaǵa shaǵym túsken joq», - dep habarlady basqarmadan.