Almatyda jańa 4 otbasylyq-dárigerlik ambýlatorııa salynyp jatyr

ALMATY. QazAqparat - Megapolıste tórt otbasylyq-dárigerlik ambýlatorııanyń qurylysy júrip jatyr. Bul týraly qalalyq máslıhattyń VI sessııasynda Almaty qarjy basqarmasynyń basshysy Qanat Sýhambekov málimdedi, dep habarlaıdy QazAqparat tilshisi.

«4 otbasylyq-dárigerlik ambýlatorııa ǵımaratynyń qurylysy júrgizilýde. Nátıjesinde Alataý aýdanynyń «Saıaly», «Qarasý» jáne Jetisý aýdanynyń «Kemel», Túrksib aýdanynyń «Nurshashqan» yqshamaýdanynyń turǵyndary sapaly dárigerlik kómek alatyn bolady», - dedi ol.

Sonymen qatar, Bostandyq aýdanynda balalarǵa shuǵyl medıtsınalyq kómek kórsetý ortalyǵy ǵımaratynyń qurylysy júrip jatyr. Qalalyq kardıologııa ortalyǵy kúrdeli jóndeýden ótti. Sondaı-aq, Jetisý aýdanynda ornalasqan №11 emhana ǵımaratyn seısmıkalyq kúsheıtý jáne kúrdeli jóndeý jumystary aıaqtaldy.

«Kórsetiletin medıtsınalyq qyzmetterdiń sapasyn jaqsartý aıasynda 2022 jyly qalanyń medıtsınalyq uıymdaryna 726 birlik medıtsınalyq jabdyq jáne 6 muzdatqysh kamera satyp alyndy»,- 3ep atap ótti Qanat Sýhambekov.