Almatyda zardap shekken bızneske tıisti kómek kórsetiledi - Baqytjan Saǵyntaev
Qala ákimi satý jáne servıs oryndarynyń ıelerimen, Promenade, MOSKVA Metropolitan, Asia Park, «12 aı» saýda ortalyqtarynyń basqarýshy dırektorlarymen kezdesip, áńgimelesti. Kásipkerler qala ákimine ákimdiktiń Úkimet komıssııasy jáne «Atameken» UKP-men birlesip sheshýi qajet birqatar máselelerdi aıtty.
Almaty ákimi búlikshiler qurylys quraldaryn basyp alǵan «12 aı» dúkenin aralap kórdi.
Almatyda saýda ortalyqtaryn, qarý-jaraq dúkenderin, bankterdi tonaýda jáne azamattarǵa shabýyl jasaýda balta, balǵa, ara, tegisteýish jáne basqa da quraldar qoldanylǵany belgili boldy.
Sonymen qatar, ákim Das auto servısi tehnıkalyq qyzmet kórsetý stantsııasynyń ıelerimen kezdesti. Munda klıentterdiń 9 avtokóligi órtenip ketken.
Baqytjan Saǵyntaev polıtsııa departamentine tergeý is-sharalaryn jedeldetýdi tapsyrdy. Sondaı-aq, qala ákimi kásipkerlerdi Memleket basshysynyń tapsyrmasyna sáıkes shaǵyn jáne orta bızneske qajetti kómek kórsetiletinine sendirdi.
ShOB-ke keltirilgen zalaldy baǵalaý jónindegi qalalyq komıssııa qalanyń kásipkerler palatasymen birlesip, zalal kólemi men ótemaqy somasyn esepteý tetikteriniń ashyqtyǵyn qamtamasyz etetin bolady.
Buǵan deıin de qala ákimi kásibi zardap shekken kásipkerlermen kezdesip, polıtsııa departamentine olardyń ótinishterin qabyldaýdy uıymdastyrýdy tapsyrǵan edi.
Sondaı-aq, «Atameken» UKP konsýltatıvtik kómek kórsetip jatqanyn jazǵanbyz.
