Almatyda úı karantınin buzǵan 70 adamǵa aıyppul salyndy

ALMATY. QazAqparat - Ózin oqshaýlaý rejımin buzǵan 70 almatylyqqa aıyppul salyndy. Bul týraly brıfıng barysynda Almatynyń bas sanıtarlyq dárigeri Jandarbek Bekshın aıtty, dep habarlaıdy QazAqparat tilshisi.

«Keıbir «qyzyl» mártebesi bar almatylyqtar dárigerlerdiń talaptaryn elemeı, qoǵamdyq tamaqtaný oryndaryna, saýda oıyn-saýyq ortalyqtaryna, qala kınoteatrlaryna barýǵa tyrysýda. Barlyq buzýshylarǵa – 70 adamǵa 30 AEK aıyppul salyndy»,- deıdi spıker.

Jandarbek Bekshın azamattardy jasyna jáne qyzmet salasyna qaramastan, usynystar men shekteý sharalaryna jaýapkershilikpen qaraýǵa shaqyrdy.

Sonymen qatar, ol karantın rejıminiń saqtalýyn baqylaý boıynsha jumys jalǵasatynyn basa aıtty.

«Qala turǵyndaryn «jasyl» aımaqqa aýysqanyna qaramastan, alys jáne jaqyn shetelderdegi KVI boıynsha epıdemıologııalyq ahýaldyń kúrdelenýin eskere otyryp, karantındik sharalardy saqtaýdy jalǵastyrýǵa jáne belsendi vaktsınalanýǵa shaqyramyn. Tek ujymdyq ımmýnıtet qala turǵyndary arasynda vırýstyń taralýyn jáne indetti toqtatady, ıaǵnı taralý tizbegin úze alady», - dep atap ótti Almaty qalasynyń bas sanıtarlyq dárigeri.